171 މީހަކަށް ބޯހިޔާވަހިކަން ފޯރުކޮށްދީފި
93 މީހަކު ޖެންޑާ އަދި ސޯޝަލް ކައުންސިލާ އެކީގައި އެބަތިބި
މަލޭގެ މާރުކޭޓްގައި ތިބި ބަޔަކަށް ފުލުހުން އެހީތެރިކަން ފޯރުކޮށްދެނީ
ކޮވިޑް-19 އާއި ގުޅިގެން މިހާތަނަށް 171 މީހަކަށް ބޯހިޔާވަހިކަން ފޯރުކޮށްދީފައިވާ ކަމަށް ނެޝަނަލް އެމަރޖެންސީ އޮޕަރެޝަން ސެންޓަރ (އެންއީއޯސީ) އިން ހާމަކޮށްފިއެވެ.
ހުކުރު ދުވަހުގެރ ބޭއްވި ނޫސްވެރިންގެ ބައްދަލުމުގައި ވާހަކަދައްވަމުން އެންއިއޯސީގެ ތަރުޖަމާނު މަބްރޫކް އަޒީޒު ވިދާޅުވީ ޖެންޑަރ މިނިސްޓްރީ އަދި ސޯޝަލް ކައުންސިލް އެއްކޮށް ކުރާ މަސައްކަތުގައި އިތުރު އެންޖީއޯތަކާއި ބައިނަލްއަގުވާމީ އޮގަނައިޒޭޝަންތަކުން ބައިވެރިވެގެން މަސައްކަތްތަކެއް ކުރަމުންދާ ކަމަށެވެ. އަދި މީގެ ތެރޭގައި އެކަމަޑޭޝަން އަދި ކާބޯތަކެތި ފޯރުކޮށްދިނުމުގެ މަސައްކަތްތައް ކުރިއަށްދާ ކަމަށެވެ.
މަބްރޫކް ވިދާޅުވީ ޖުމްލަ މިހާތަނަށް 171 މީހަކަށް ބޯހިޔާވަހިކަން ފޯރުކޮށްދީފައިވާ ކަމަށެވެ. އަދި މިވަގުތު 93 މީހަކު ޖެންޑާ އަދި ސޯޝަލް ކައުންސިލާ އެކީގައި އެބަތިއްބެވި ކަމަށާއި، މީގެ އިތުރުން ކާބޯތަކެތި ބޭނުންވެގެން ފޯނުކޮށް އެކަމަށް އެދުނު މީހުންގެ ތެރެއިން 238 މީހަކަށް އެކަން ހަމަޖައްސާފައިވާ ކަމަށެވެ.
ކޮވިޑް-19 ގެ ކޭސްތަކެއް ފެނުމާއި ގުޅިގެން މާލެ ސަރަހައްދު ލޮކްޑައުން ކުރުމާއިއެކު އެންމެ ގިނައިން ހުށަހަޅާފައިވަނީ ބޯހިޔާވަހިކަމާއި ގުޅޭ މައްސަލަތައް ކަމަށް މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް އިން ވަނީ މީގެ ކުރިން ބުނެފައެވެ.
