އިތުރު 6 މީހަކު ކޮވިޑް-19 އަށް ޕޮޒިޓިވްވެއްޖެއެވެ.

މިކަން ހާމަކޮށް އެޗްޕީއޭއިން ކޮށްފައިވާ ޓުވީޓެއްގައި ބުނެފައިވަނީ ހުކުރު ދުވަހުގެ މިހާތަނަށް ޖުމްލަ 13 ކޭސް ފެނިފައިވާ ކަމަށެވެ. ހުކުރު ދުވަހުގެ ހަވީރުގެ ވަގުތެއްގައި އެޗްޕީއޭއިން އެ މީހުން ޕޮޒިޓިވްވި ކަމަށް ހާމަނުކުރި ނަމަވެސް ހެލްތް މިނިސްޓްރީން ވަނީ ރާއްޖެއިން އިތުރު ހަތް މީހަކު ކޮވިޑް-19 އަށް ޕޮޒިޓިވްވެފައިވާ ކަމަށް އެ ޑޭޝްބޯޑުގައި ރިޕޯޓުކޮށްފައެވެ. އަދި އެ މައުލޫމާތު އެޗްޕީއޭއިން ހިއްސާކޮށްފައިވަނީ ދާދި ދެންމެއަކު ކުރި ޓުވީޓެއްގައެވެ.

ހުކުރު ދުވަހު މިހާތަނަށް ކޮވިޑް-19 އަށް ޕޮޒިޓިވްވެފައިވަނީ 7 ދިވެހިންނާއި ބަންގްލަދޭޝްއަށް ނިސްބަތްވާ 6 މީހުންނެވެ.

މިއާއިއެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 481 އަށް އަރާފައެވެ. ރާއްޖޭގައި ވައިރަސް ހަލުވިކަމާއެކު ފެތުރެމުންދާއިރު، ފެތުރުން ކޮންޓްރޯލްކުރުމަށްޓަކައި ކޮމިއުނިޓީ ސްޕްރެޑް އިއުލާންކޮށް މާލެސިޓީ ވަނީ ލޮކްޑައުންކޮށްފައެވެ.