މިއަދު ކޮވިޑް-19 އަށް ޕޮޒިޓިވްވި 95 މީހުންނަކީ އެއްތަނެއްގައި އުޅޭ މީހުން!
އޭގެތެރޭގައި ހިމެނެނީ ބަންގްލަދޭޝް މީހުންނާއި، އިންޑިއާ އަދި ނޭޕާލް މީހުން
އެންއީއޯސީގެ ތަރުޖަމާން މަބްރޫކް އަޒީޒް
މިއަދު ކޮވިޑް-19 އަށް ޕޮޒިޓިވްވި 95 މީހުންނަކީ އެއްތަނެއްގައި އުޅޭ މީހުންކަމަށް ނޭޝަނަލް އިމަރޖެންސީ އޮޕަރޭޝަން ސެންޓަރުގެ ތަރުޖަމާން މަބްރޫކް އަޒީޒް ވިދާޅުވެއްޖެ އެވެ.
ބުރާސްފަތި ދުވަހުގެރޭ ދަރުބާރުގޭގައި ގާއިމްކޮށްފައިވާ ނޭޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޓާސްކްފޯހުގެ ތަރުޖަމާން މަބްރޫކް އަޒީޒް ވިދާޅުވީ, މިއަދު ޕޮޒިޓިވްވި ކަމަށް އިއުލާންކުރެވުނު 95 ކޭސްއަކީ އެއްތަނުން ޕޮޒިޓިވްވި ފަރާތްތަކެއްކަމަށާއި އެއީ ކުރިންވެސް ތޮއްޖެހިގެން އުޅޭކަމަށް ފާހަގަވެގެން އައިސޮލޭޝަންގައި އޮތް ތަނެއްކަމަށެވެ.
މަބްރޫކް ވިދާޅުވީ ވަކިތަންތަން ބެލުމަށްފަހު ސާމްޕަލް ނެގުމަކީ މިހާރު އަމަލުކުރަން ނިންމާފައިވާ ޓެސްޓިންގް ސްޓެރެޓިޖީކަމަށާއި ކުރިޔަށް އޮތް ދެތިން ދުވަހުގެ ތެރޭގައި ބޮޑެތި މޫވްމަންޓްތަކެއް އެބަހުރިކަމަށެވެ. އޭނާ ވިދާޅުވީ، ބިދޭސީން ގިނައިން އުޅޭ އިތުރު ތަންތަން ފާހަގކުރެވިފައިވާކަމަށާއި އެތަނުގައި ތިބި ފަރާތްތަކުގެ ސާމްޕަލްތައް ނެގި މޮނީޓަރިނގްގެ ހާލަތައް ގެނެވިފައިވާކަމަށެވެ. މަބްރޫކް ވިދާޅުވީ 23 ތަނެއް މިހާތަނަށް މޮނީޓަރިންގެ ހާލަތައް ލެވިފައިވާކަމަށާއި އެތަނުގައި 1085 މީހަކު އެތަންތާގައި ދިރިއުޅޭކަމަށް ރެކޯޑްތަކުން ދައްކާކަަމަށެވެ.
މިކަމާއި ގުޅިގެން ވާހަކަދައްކަވަމުން، ޑރ. އިބްރާހިމް އަފްޒަލް ވިދާޅުވީ، އެކްޓިވް ސަރވައިލެންސްގެ ދަށުން ހާލުގައި ގިނަ އަދަދެއްގެ ބިދޭސީން ތޮއްޖެހިގެން އުޅޭތަންތަން މޮނިޓަރ ކުރުމަކީ ވަރަށް ބޮޑު އަމާޒެއްކަމަށާއި އެ ފަރާތްތައް ދިރިއުޅޭ ތަންތަނުން ރެންޑަމް ސާމްޕަލް ނެގުމުގެ މަސައްކަތް ކުރަމުންދާނެކަމަށެވެ.
