އޯލެވެލް އާއި އެސްއެސްސީ އިމްތިހާނު ފަސްކޮށްފި

އަންނަ އޮކްޓޯބަރު, ނޮވެމްބަރުގައި ބާއްވަން ހަމަޖައްސާފައިވާ މިއަހަރުގެ އޯ ލެވެލް އިމްތިހާނު ފަސްކުރަން ނިންމައިފި އެވެ.

އެޑިޔިކޭޝަން މިނިސްޓްރީން ނެރެފައިވާ ސަރކިޔުލަރ ގައި ބުނެފައިވަނީ ކޮވިޑް-19 ގެ ސަބަބުން ގްރޭޑް 10 ގައި ކިޔަވާ ދަރިވަރުން ބައިވެރިވާ ސާނަވީ ނިންމާ އިމްތިހާން ތަކަށް ބޭނުންވާ ސިލަބަސް ނިންމައި އިމްތިހާން ތަކަށް ތައްޔާރުވުމަށް އެކަށީގެންވާ ވަގުތު ލިބޭނެކަމަށް ނުފެންނާތީ މިއަހަރުގެ އޮކްޓޯބަރ, ނޮވެންބަރ ގައި ބޭއްވުމަށް ހަމަޖެހިފައިވާ ޖީސީއީ އޯލެވެލް، އައި،ޖީ.ސީ،އެސް،އީ އަދި އެސް،އެސް،ސީ އިމްތިހާން އެދުވަސްވަރުގައި ނުބޭއްވުމަށް ނިންމާފައިވާކަމަށެވެ.

މީގެއިތުރުން ބީޓެކް ގެ މާއްދާތައް ކިޔަވާ ދަރިވަރުންގެ އެސައިންމަންޓް ސުންގަޑިތައްވެސް އަލުން މުރާޖަޢާ ކުރެވޭނެ ކަމަށްވެސް އެޑިޔުކޭޝަނުން ވަނީ ބުނެފަ އެވެ. މިނިންމުމާއި ގުޅިގެން ދެން އިމްތިހާން ބާއްވާނެ ދުވަސްވަރެއް ކަނޑައެޅުގެ މަސައްކަތް ކުރަމުންދާ ކަމަށް އެޑިޔުކޭޝަނުން ބުނެއެވެ. މިބަދަލު ގެނައުމުގައި އެންމެ ބޮޑު އިސްކަމެއް ދޭނީ ދަރިވަރުންނަށް ލިބޭ ގެއްލުން ވީހާވެސް ކުޑަކުރުމަށް ކަމަށް އެޑިޔުކޭޝަން މިނިސްޓްރީން ބުނެ އެވެ. އަދި މިބަދަލާ ގުޅިގެން ކީސްޓޭޖް 5 ގްރޭޑް 11 އަދި 12 ގެ ދަރިވަރުން ހަދާ އިމްތިހާންތައް ބޭއްވުމަށް މިހާރު ހަމަޖެހިފައިވާ ތާރީޚްތަކަށް އިތުރު ބަދަލެއް ގެނައުމަށް ހަމަޖެހިފައި ނުވާކަމަށްވެސް އެޑިޔުކޭޝަނުން ބުނެ އެވެ.

މީގެކުރިން އެޑިޔުކޭޝަން މިނިސްޓްރީން ބުނެފައިވަނީ މިހާރު ކިޔަވާނުދިން ނަމަވެސް މިހާރު ކުދިން ތިބި ގްރޭޑްތަކުގައި އެކުދިން ރިޕީޓް ނުވާނެ ކަމަށެވެ.