ޗައިނާއިން ގެންނަ ޞިއްޙީ ސާމާނާއެކު މޯލްޑިވިއަންގެ ފްލައިޓެއް ރާއްޖެ އަތުވެއްޖެއެވެ.
އެސްޓީއޯއިން ބުނީ މޯލްޑިވިއަން ފްލައިޓެއްގައި ރާއްޖެއަށް މިވަގުތު އެންމެ ބޭނުންވާ ޞިއްޙީ އާލަތްތައް ގެނެވިފައިވާ ކަމަށެވެ.
އޭގެ ތެރޭގައި ޕަރސަނަލް ޕްރޮޓެކްޓިވް އިކުއިޕްމަންޓް (ޕީޕީއީ) ހިމެނެއެވެ. އަދި ޞިއްޙީ އެކި އާލަތްތައް ހިމެނޭ ކަމަށް އެސްޓީއޯއިން ބުނެއެވެ.
ޗައިނާއިން ޞިއްހީ އާލަތްތައް ރާއްޖެއަށް ފޯރުކޮށްދީފައިވާއިރު، އެޤައުމުން ގެންދަނީ ރާއްޖޭގައި 1100 މީހުންގެ ޖާގައިގެ ކަރަންޓީނު ދެ ފެސިލިޓީ ހެދުމުގެ މަސައްކަތް ކުރަމުންނެވެ.
މުޅި ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 އާއި ގުޅިގެން ރާއްޖެއަށް އަވަށްޓެރި ބައެއް ޤައުމުތަކުން ވަނީ ޞިއްޙީ އާލާތްތައް ފޯރުކޮށްދީފައެވެ.
