ބިދޭސީ މީހާގެ މަރާ ގުޅިގެން އިތުރު މީހަކު ހައްޔަރުކޮށްފި
ބަންދުގެ މުއްދަތު ޖެހީ ހުކުރު ދުވަހު
ލ. ފޮނަދޫގައި މަރާލާފައި އޮއްވާ ފެނުނު ބިދޭސީ މީހާ ހަށިގަނޑު އެމްބިލެންސް އަށް އަރުވަނީ
ލ. ފޮނަދޫގައި މަރާލާފައި އޮއްވާ ފެނުނު ބިދޭސީ މީހާގެ މަރާ ގުޅިގެން އިތުރު މީހަކު ހައްޔަރުކޮށްފައިވާ ކަމަށް ފުލުހުން ބުނެފިއެވެ.
ފޮނަދޫ އަތިރިމަތީގައި މަރުވެފައި އޮއްވާ ބުރާސްފަތި ދުވަހު ހެނދުނު ފެނިފައި ވަނީ ބަންގަލަދޭޝްގެ ރައްޔިތެއް ކަމުގައިވާ ހަސަނުއްﷲ އެވެ. އޭނާގެ ހަށިގަނޑު ފެނުނީ އޭނާ ގެއްލިގެން ހޯދަމުން ދާތާ ދެ ދުވަސް ފަހުންނެވެ. އޭނާ މަރުވެފައި އޮއްވާ ފެނުނީ ފޮނަދޫ ބަރާސިލް އަވަށު ސްޓޭޖާ ދިމާ އަތިރިމަތިންނެވެ.
ފުލުހުންގެ މީޑިއާ އޮފިޝަލް ވިދާޅުވީ މި މައްސަލައާ ގުޅިގެން މިހާތަނަން ހަތަރު ބިދޭސީއަކު ހައްޔަރުކޮށްފައިވާ ކަމަށެވެ. ފުލުހުން މައުލޫމާތު ދީފައިވާ ގޮތުގައި އެ ހަތަރު މީހުންނަކީ ވެސް ހަސަނުއްﷲ އާ ވަރަށް ގާތްކޮށް އުޅެމުންދިޔަ ހަތަރު މީހުން ކަމަށެވެ.
ރާއްޖެއެމްވީއަށް މައުލޫމާތު ލިބިފައިވާ ގޮތުން އެ ހަތަރު މީހުންގެ ބަންދަށް ވަނީ 15 ދުވަސް ޖަހާފައެވެ.
މަރާލާފައިވާ ބިދޭސީ މީހާގެ ހަށިގަނޑު ހުކުރު ދުވަހުގެ ރޭ މާލެ ގެނެސް މޯޗަރީއަށް ވަނީ ލައިފަ އެވެ.
އެ މައްސަލަ ތަހުގީގު ކުރުމަށް ފޮނަދޫގައި ފުލުހުންގެ ޓީމެއް ދަނީ ހަރަކާތްތެރިވަމުންނެވެ.
