މޮނީޓަރިންގް ހާލަތުގައި ވަނިކޮށް، ށ. ބިލެއްފައްސައް ދަތުރުކުރި 3 މީހަކު ހައްޔަރުކޮށްފި
3 މީހުން ހައްޔަރުކޮށްފައިވަނީ ށ. ބިލެއްފައްސައް ގޮސް އެނބުރި ފޭދޫއަށް އައި މަގުމަތީ ކަނޑުމަތިން
ާށ. ބިލެއްފަހި
ށ. ބިލެއްފަހި މޮނިޓަރިންގް ހާލަތައް ގެނެވިފައިވަނިކޮށް، ޑިންގީއެއްގައި ހުއްދަ ނުހޯދާ އެރަށަށް އެރި 3 މީހަކު ފުލުހުންގެ ބެލުމުގެ ދަށަށް ގެނެސްފިއެވެ.
މިކަމާއި ގުޅިގެން މައުލޫމާތު ދެމުން ފުލުހުން ބުނެފައިވަނީ، ބިލެއްފަހި މޮނީޓަރިންގް ހާލަތައް ގެނެސް، އެ ރަށަށް އަރާ ފޭބުން މަނާކޮށްފައި ވަނިކޮށް ހޯމަ ދުވަހުގެ ހަވީރު 5:58 ގައި ށ. ފޭދޫއިން ކުޑަ ޑިންގީއެއްގައި ހުއްދަ ނުހޯދާ ބިލެއްފައްސައް އައި 3 މީހަކު ފުލުުންގެ ބެލުމުގެ ދަށަށް ގެނެސްފައިވާކަމަށެވެ.
ފުލުހުން ބުނެފައިވަނީ، އެ 3 މީހުން ހައްޔަރުކޮށްފައިވަނީ ށ. ބިލެއްފައްސައް ގޮސް އެނބުރި ފޭދޫއަށް އައި މަގުމަތީ ކަނޑުމަތިންކަމަށެވެ. އަދި އެމީހުންނަކީ 27 އަހަރާއި 28 އަހަރާއި 31 އަހަރުގެ ދިވެހި ފިރިހެނުންނަކަމަށެވެ.
މި މައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.
