ފަޤީރުންގެ ދަފްތަރުގައި ރާއްޖެއިން 8764 މީހުން ރަޖިސްޓްރީވެފައިވާކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީގެ އޮފިޝަލަކު "ރާއްޖެއެމްވީ"އަށް ވިދާޅުވީ، މި އަހަރު ރާއްޖެއިން ފަޤީރުންގެ ދަފްތަރުގައި 8764 މީހުން ރަޖިސްޓްރީވެފައިވާއިރު، އޭގެ ތެރޭގައި ހިމެނޭ 1717 މީހުންނަކީ މާލެއިން ރަޖިސްޓްރީވެފައިވާ މީހުން ކަމަށެވެ.
އެގޮތުން މިނިސްޓްރީން މިހާރު ވަނީ ފަޤީރުންގެ ދަފްތަރުގައި ރަޖިސްޓްރީވެފައިވާ ފަރާތްތަކަށް ފިތުރު ޒަކާތް ދިނުމަށްޓަކައި، ޒަކާތް ބަލައިގަންނަންވެސް ފަށާފައެވެ.
އިސްލާމިކް މިނިސްޓްރީގެ ހިސާބުތައް ދައްކާ ގޮތުން 2018 ވަނަ އަހަރު ފަގީރުންގެ ގޮތުގައި 16،294 މީހުން ރަޖިސްޓްރީ ވެފައި ވެއެވެ. 2017 ވަނަ އަހަރު ރަޖިސްޓްރީ ކޮށްފައި ވަނީ 16،205 މީހެކެވެ.
ފަޤީރުންގެ ގޮތުގައި ރަޖިސްޓްރީ ކުރާ އަދަދު ކޮންމެ އަހަރަކު ވެސް އިތުރުވެއެވެ.
