އިތުރު މީހަކު ނަރުދޫއިން ކޮވިޑް-19 އަށް ޕޮޒިޓިވް ވެއްޖެ!
28 އެޕްރީލު 2020 | އަންގާރަ 17:20ޖުމްލަ 8 މީހަކު ނަރުދޫއިން ޕޮޒިޓިވްވެފައިވޭ
މަބްރޫކް އަޒީޒް
ނަރުދޫއިން ކޮވިޑް-19 އަށް އިތުރު މީހަކު ޕޮޒިޓިވްވެއްޖެއެވެ.
މިއާއެކު އެ ރަށުގައި ކޮވިޑް-19 ޖެހުނު މީހުންގެ ޢަދަދު މިވަނީ ނުވަޔަކަށް އަރާފައެވެ. ނަރުދޫއިން އެންމެ ފުރަތަމަ ކޮވިޑް-19 އަށް ޕޮޒިޓިވްވެފައިވަނީ އެ ރަށު ''އަމާޒު'' ބޯޓުގެ ކެޕްޓަނެެވެ.
އުމުރުން 49 އަހަރުގެ ކެޕްޓަން ބައްޔަށް ޕޮޒިޓިވްވުމާއެކު ނަރުދޫ ވަނީ މޮނިޓަރިންގގެ ޙާލަތަށް ގެންގޮސްފައެވެ. ''އަމާޒު'' ބޯޓުގެ ޕްރައިމަރީ ކޮންޓެކްޓްސްގެ ގޮތުގައި 101 މީހަކު ހޯދިފައިވާކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވަނީ ބުނެފައެވެ.
ދަރުބާރިގޭގައި ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ، ނަރުދޫ "އަމާޒް ބޯޓު"ގެ ކެޕްޓަން ޕޮޒިޓިވްވުމާ ގުޅިގެން ހެދުނު ކޮންޓެކްޓް ޓްރޭސިންގގެ ދަށުން މިހާތަނަށް 113 ކޮންޓެކްޓެއް ފާހަގަވެފައިވާއިރު، އޭގެ ތެރެއިން 9 މީހަކު ޕޮޒިޓިވްވެފައިވާކަމަށެވެ. އަދި އޭގެތެރެއިން 8 މީހުންނަކީ ނަރުދޫއަށް ނިސްބަތްވާ މީހުންނަށްވާއިރު، ނަރުދޫގައި މިހާރު ކޮމިއުނިޓީ ސްޕްރެޑެއް އުޅެދާނެކަމަށް ބެލެވޭކަމަށް މަބްރޫކު ވިދާޅުވިއެވެ.
