ކޮވިޑް-19 ފެތުރުމުގެ އަސްލަކީ އަންހެނުން ކަމަށް ބުނި ޕާކިސްތާނުގެ އިލްމުވެރިއަކު ބުނެފިއެވެ.
ޕާކިސްތާނުގެ ބޮޑު ވަޒީރު އިމްރާން ހާންގެ އެހެސާން ޓެލެތޯން ފަންޑްރެއިޒިން ޕްރޮގްރާމްގައި ވާހަކަ ދައްކަވަމުން ޕާކިސްތާނުގެ މަޝްހޫރު ދީނި އިލްމުވެރިއެއް ކަމަށްވާ ތާރިގް ޖަމީލް ވިދާޅުވީ، ޕާކިސްތާނުގައި ކޮވިޑް-19 ފެތުރެން ފަށާފައިވަނީ އަންހެނުންކުރާ ނޭދެވޭ ކަންތަކުގެ އިތުރުން ނިވާކަން ކުޑަކޮށް ހެދުން އަޅައިގެން އުޅޭތީ ކަމަށެވެ.
ތާރިގް ވިދާޅުވީ، އަންހެނުންގެ އަހުލާގުގެ ސަބަބުން އެ ގައުމު ނުރައްކަލުގެ ތެރެއަށް ވައްޓާލާފައިވާ ކަމަށެވެ. ތާރިގް ދެއްކެވި ވާހަކަތަކަށް އޭނާ އަށް ފާޑުކިޔުން ވަނީ އަމާޒުވެފައެވެ. ނަމަވެސް ފަހުުން ތާރިގު ވަނީ އަންހެނުންނާ ގުޅުވައި ދެއްކެވި ވާހަކަތަކަށް މާފަށް އެދިފައެވެ.
ކޮވިޑް-19 ގެ ސަބަބުން ގިނަ ގައުމުތަކެއް ލޮކްޑައުންކޮށްފައިވާއިރު، ގެވެށި އަނިޔާގެ މައްސަލަތައް ދަނީ ގިނަވުމުންނެވެ.
