ދިރާގުން 75 ރުފިޔާއަށް 3 ޖީބީގެ ޑޭޓާ ލިބޭ ޕެކޭޖެއް ތަޢާރަފުކޮށްފި
27 އެޕްރީލު 2020 | ހޯމަ 08:35މިއީ ޕްރީޕެއިޑް ކަސްޓަމަރުންނަށް ޚާއްޞަ ޕެކޭޖެއް
އިންޓަނެޓް ބޭނުންކުރުން މިދުވަސްވަރު އިތުރުވެފައިވޭ
ދިރާގުން 75 ރުފިޔާއަށް 3 ޖީބީގެ ޑޭޓާ ލިބޭ ވެލިއު ޕެކެއް ތަރަފުކޮށްފިއެވެ.
ދިރާގުން ބުނީ އަލަށް ތައާރަފް ކުރި މިޕެކޭޖަކީ ރަމަޟާން މަހަށް ޚާއްޞަކޮށްގެން ތަޢާރަފުކުރި ޕޭކޭޖެއްކަމަށެވެ. އަދި، ކޮވިޑް-19އާ ގުޅިގެން ކަސްޓަމަރުންނަށް ލުއި ގޮތްތަކެއް ހަދައިދިނުމަކީ މައިގަނޑު ޢަމާޒުކަމަށް ދިރާގުން ބުނެއެވެ.
ޕްރީޕެއިޑް ކަސްޓަމަރުންނަށް ޚާއްޞަ މިޕެކޭޖް ދިރާގު އެޕްލިކޭޝަނުން އެކްޓިވޭޓް ކުރެވޭނެއެވެ. ޕެކޭޖުގެ މުއްދަތަކީ އެކްޓިވޭޓްކުރާ ދުވަހުން ފެށިގެން ހަތް ދުވަހެވެ. އަދި މެއި މަސް ނިމެންދެން މިޕެކޭޖް ނެގޭނެކަމަށް ދިރާގުން ބުންޏެވެ.
ކޮވިޑް-19 ފެތުރެމުންދާ މިދަނޑިވަޅުގައި ގިނަ ބަޔަކު ޑޭޓާ ބޭނުން ކުރާކަން ފާހަގަކޮށް ދިރާގުން ބުނީ ކަސްޓަމަރުންނަށް ލުއި ގޮތްތަކެއް ހަމަޖައްސައިދިނުމަށް ޕްރީޕެއިޑް ކަސްޓަމަރުންނަށް %50 އިތުރު ޑޭޓާ ލިބޭނެގޮތް ހަމަޖައްސާފައިވާކަމަށެވެ.
ކޮވިޑް-19ގެ ސަބަބުން މާލެސިޓީ ފުރަބަންދުކުރުމާއެކު މީހުން މުއާޞަލާތުކޮށް އިންޓަނެޓުގެ ބޭނުން ހިފުންވަނީ ވަރަށް ބޮޑަށް އިތުރުވެފައެވެ. އަދި އިންޓަނެޓް އަގުހެޔޮ ކޮށްދިނުމަށް ގިނަ ބަޔަކު އެދެމުން ވެސްދެއެވެ.
