މާފުށި މޮނިޓަރިންގެ ހާލަތައް ގެނެސްފި
27 އެޕްރީލު 2020 | ހޯމަ 00:49ރާއްޖެއިން ކޮވިޑް-19 އަށް 214 މީހަކު ވަނީ ޕޮޒިޓިވްވެފައި
ކ. މާފުށި
ކޮވިޑް- 19 އާ ގުޅިގެން، ޞިއްޙީގޮތުން އިތުރަށް ބަލަންޖެހޭ ކަންކަން ބެލުމަށް ކ. މާފުއްޓަށް އަރާ ފޭބުން މަނާކޮށްފި އެވެ.
ހޯމަ ދުވަހު ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ ޑިރެކްޓަރ ޖެނެރަލް މައިމޫނާ އަބޫބަކުރް ސޮއިކުރައްވާ މާފުށި ކައުންސިލަށް ފޮނުއްވާފައިވާ ބަޔާނުގައި ވަނީ، އެ ރަށުގައި ތިބި އެއްވެސް މީހަކު އެޗްޕީއޭއިން ވަކިގޮތެއް އަންގަންދެން ރަށުން ފޭބުމާއި، އެރުން މަނާކޮށްފައިވާކަމަށެވެ. އަދި އެރަށް މިހާރު މޮނިޓަރިންގެ ޙާލަތަށް ގެނެސްފައިވާކަމަށް ބަޔާނުގައި ވެއެވެ.
މޮނިޓަރކުރުމާ ގުޅިގެން އެޗްޕީއޭއިން އަންގާ ގޮތެއްގެ މަތިން، ދައުލަތުގެ ކަމާބެހޭ މުއައްސަސާތަކުން އަދާކުރަން ޖެހޭ ޒިންމާތައް އަދާކުރުމުގެ ގޮތުން އަންގާ އެންގުންތަކާއި އަދި ހިންގާ ޙަރަކާތްތަކަށް އެއްބާރުލުން ދިނުމަށް އަދި އެކަމުގައި ކައުންސިލްގެ އިދާރާގެ ފަރާތުން ކުރަންޖެހޭ ކަންކަން ވިލަރެސް ކުރާނެ ފަރާތެއް ކަނޑައެޅުމަށް އެޗްޕީއޭއިން ވަނީ އަންގާފަ އެވެ.
މާލެއިން ކޮވިޑް-19 ފެެނުމާއި ގުޅިގެން އެ ކޭސްތަކާއި ގުޅުންހުރި މީހުން ބައެއް ރަށްތަކަށް ފުރައިގެން ގޮސްފައިވާތީ އެ ރަށްތައް ވަނީ މޮނިޓަރިންގެ ޙާލަތަށް ގެނެސްފަ އެވެ.
