ރާއްޖެ
ކޮވިޑް-19 އަށް ބަޔަކު ޕޮޒިޓިވްވުން
އިތުރު 23 މީހަކު ކޮވިޑް-19 އަށް ޕޮޒިޓިވްވެއްޖެ
މިއާއި އެކު 214 މީހަކު ވަނީ ޕޮޒިޓިވްވެފައި
އަލީ ސަމާޚް, ރާއްޖެ އެމްވީ | 26 އެޕްރީލު 2020 | އާދީއްތަ 17:01
ހެލތް މިނިސްޓްރީން ބޭއްވި ޑްރިލްއެއްގެ ތެރެއިން
ރާއްޖެއިން އިތުރު 23 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
އެކަން ހާމަކުރެއްވި ދަރުބާރުގޭގައި ގާއިމްކޮށްފައިވާ ނެޝަނަލް އެމެޖެންސީ ސެންޓަރުގައި ކުރިޔަށްދާ ނޫސްވެރިންގެ ބައްދަލުވުމުގައި ޓެކްނިކަލް އެޑްވައިޒަރީ ގްރޫޕްގައި ހިމެނިވަޑައިގަންނަވާ ޑރ. އިބްރާހިމް އަފްޒަލްއެވެ.
ޑރ. ވިދާޅުވީ، ޕްރެސްކޮންފަރެންސް ކުރިޔަށް ދަނިކޮށް އިތުރު 23 މީހަކު ޕޮޒިޓިވްވެފައިވާ ކަމަށެވެ. އެ އަދަދާއި އެކު ރާއްޖޭގައި ފާއިތުވި 24 ގަޑިއިރު ރާއްޖޭގައި ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 73 އަށް އަރާފައެވެ.
ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ޖުމްލަ އަދަދަކީ 214 އެވެ.
