2 ދިވެއްސަކާއި ޕާކިސްތާނު ރައްޔިތަކު ކޮވިޑް-19 އަށް ޕޮޒިޓިވްވެއްޖެ
އެމީހުން އައިސޮލޭޝަން ފެސިލިޓީއަށް ގެންދިއުމުގެ މަސައްކަތް ކުރަމުންދޭ
އައިޖީއެމްއެޗްގެ ލެބްގައި ކޮވިޑަށް ޓެސްޓްކުރަނީ
ރާއްޖެއިން އިތުރު 3 މީހަކު ކޮވިޑް-19 އަށް ޕޮޒިޓިވްވެއްޖެއެވެ.
އާދިއްތަ ދުވަހު ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ކުރި ޓްވީޓެއްގައި ބުނީ، އިތުރު 3 މީހަކު ކޮވިޑް-19 އަށް ޕޮޒިޓިވްވެފައިވާ ކަމަށާއި، އެމީހުން އައިސޮލޭޝަން ފެސިލިޓީއަށް ގެންދިއުމުގެ މަސައްކަތް ކުރަމުންދާ ކަމަށެވެ.
މިފަހަ ޕޮޒިޓިވްވެފައިވަނީ 2 ދިވެހިންނާއި، ޕާކިސްތާނު ރައްޔިތެއްކަމަށް އެޗްޕިއޭއިން ބުނެއެވެ. މިއީ ރާއްޖޭގައި ދިރިއުޅޭ ޕާކިސްތާނު މީހަކު ވައިރަސްއަށް ޕޮޒިޓިވްވީ ފުރަތަމަ ފަހަރެވެ.
އާދިއްތަ ދުވަހު ބަންގްލަދޭޝަށް ނިޞްބަތްވާ 9 މީހުންނާއި، އިންޑިއާ ރައްޔިތަކާއި، ދިވެއްސެއް ޕޮޒިޓިވެފައިވާއިރު، ފަހުން ޕޮޒިޓިވްވި 3 މީހުންނާއެކު ރާއްޖެއިން ޖުމުލަ ޕޮޒިޓިވްވި މީހުންގެ ޢަދަދު ވަނީ 191ށް އަރާފައެވެ.
އަދި ފާއިތުވި 24 ގަޑިއިރު ޕޮޒިޓިވްވި މީހުންގެ ޢަދަދު ވަނީ 50ށް އަރާފައެވެ.
