ރައީސުލްޖުމްހޫރިއްޔާ، ޕާކިސްތާނުގެ ބޮޑުވަޒީރަށް ތައުޒިޔާ ފޮނުއްވައިފި
ޕާކިސްތާނުގައި ދިން ނުރައްކާތެރި ހަމަލާއެއްގައި އެތައް ބަޔަކު ވަނީ މަރުވެފަ
ރައީސުލްޖުމްހޫެރިއްޔާ މިދިޔަ މޭމަހު ޕާކިސްތާނަށް ކުރެއްވި ދަތުރުފުޅުގައި އެޤައުމުގެ ބޮޑުވަޒީރު ނަވާޒް ޝަރީފްއާ ބައްދަލުކުރައްވަނީ
ޕާކިސްތާނުގައި ހޮނިހިރު ދުވަހު ދިން ބޮމުގެ ހަމަލާގައި 80 އަށްވުރެ ގިނަ މީހުން މަރުވެ، އެތައް ބަޔަކު ޒަޚަމްވުމާ ގުޅިގެން ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ޕާކިސްތާނުގެ ބޮޑުވަޒީރު މުޙައްމަދު ނަވާޒް ޝަރީފަށް ތައުޒިޔާގެ މެސެޖެއް ފޮނުއްވައިފިއެވެ.
ރައީސުލްޖުމްހޫރިއްޔާގެ މެސެޖުގައި، މި ޚަބަރު އެއްސެވީ ކުއްލި ހައިރާންކަމަކާއި ފުން ހިތާމައާ އެކުގައި ކަމަށް ވިދާޅުވެ، ދިވެހި ސަރުކާރާއި ރައްޔިތުންގެ ނަމުގައި ޓެރަރިޒަމްގެ މި އަމަލު ކުށްވެރި ކުރައްވާފައިވެއެވެ. އަދި ޓެރަރިޒަމާ ދެކޮޅަށް ކުރާ މަސައްކަތުގައި ޕާކިސްތާނުގެ ސަރުކާރާއި ރައްޔިތުންނާއެކު ސާބިތުވެ ތިބޭނެ ކަމުގައިވެސް ވިދާޅުވެފައިވެއެވެ.
ރައީސުލްޖުމްހޫރިއްޔާ ފޮނުއްވި މެސެޖުގައި، އެމަނިކުފާނު ވަނީ ހިތާމައިގެ މި ދަނޑިވަޅުގައި ދިވެހި ސަރުކާރާއި، ރައްޔިތުންނާއި، އަދި ރައީސުލްޖުމްހޫރިއްޔާގެ އަމިއްލަ ނަންފުޅުގައި މި ހާދިސާގައި މަރުވި މީހުންގެ އާއިލާތަކަށް އިޚްލާސްތެރި ތައުޒިޔާ ފޮނުއްވާފައިވެއެވެ. އަދި މި ހާދިސާގައި ގެއްލުންވި ފަރާތްތަކަށް ހަމްދަރުދީ ރައްދުކޮށްދެއްވުމަށްވެސް ރައީސުލްޖުމްހޫރިއްޔާގެ މެސެޖުގައި އެދިވަޑައިގެންފައިވެއެވެ.
