'ކިމް ޖޮން އުން ޑެޑް' ހޭޝްޓެގް ވައިރަލްވެއްޖެ
ކިމް އަވަހާރަވި ޚަބަރުތަކާއި ގުޅިގެން ސޯޝަލް މީޑިއާގައި އެތައް ބަޔަކު ދަނީ ޖޯކު ޖަހަމުން
އުތުރު ކޮރެއާގެ ލީޑަރު ކިމްޖޮންގް އުން
އުތުރު ކޮރެއާގެ ލީޑަރު ކިމްޖޮން އުން އަވަހާރަވި ކަމަށް ފެތުރު ޚަބަރުތަކާއި ގުޅިގެން 'ކިމް ޖޮންގް އުން ޑެޑް' ހޭޝްޓެގް ވައިރަލްވެއްޖެއެވެ.
އުތުރު ކޮރެއާގެ ލީޑަރު އަވަހާރަވިކަމުގެ ޚަބަރުތަކެއް ސޯޝަލް މީޑިއާގައި ދަނީ ދައުރުވަމުންނެވެ. ކިމް ހިތުގެ އާލާސްކަންފުޅާ އުޅުއްވާތާ ގިނަ ދުވަސްތަކެއް ވެފައިވާއިރު އޭނާ ވަނީ ހިތުގެ އޮޕަރޭޝަން އެއް ކުރައްވާފައެވެ.
އެގޮތުން ކިމް އަށް ފަރުވާދެމުންދިޔަ ޑޮކްޓަރުން މި ޚަބަރުތައް ދޮގުކޮށްފައިވާއިނުވާއިރު، ގިނަ ބަޔަކު ދެކޭގޮތުގައި އެ ޑޮކްޓަރުން ބޭނުންވީ ކިމް މަރުވިކަމަށް ގިނަ ބަޔަކު ދެކޭށެވެ. ކިމް އަވަހާރަވިކަމަށް އެއްބަޔަކު ބުނަމުންދިޔަ ނަމަވެސް ކިމްގެ ހާލުކޮޅު ރަނގަޅުކަމަށްވެސް އަނެއް އެއްބަޔަކު ދަނީ ބުނަމުންނެވެ.
ކިމްގެ ހާލުކޮޅު ގޯސްވަމުން އަންނަ ރިޕޯޓުތައް ދޮގުކޮށްފައިނުވުމަކީ، ކިމް އަވަހާރަވެފައިވާކަމުގެ އިޝާރާތެއް ކަމަށް ގިނަ ބަޔަކު ސޯޝަލް މީޑީއާތަކުގައި އަންނީ ބުނަމުންނެވެ. ހޮންގް ކޮންގް ސެޓެލައިޓް ޓެލެވިޒަން އާއި ހަވާލާދީ ނިއުޔޯރކް ޕޯސްޓްގައި ބުނާގޮތުން ކިމް އޮންނެވީ ހިތުގެ ސަރޖަރީއަށް ފަހު ކޯމާއެއްގަ އެވެ.
އެހެން ރިޕޯޓަކުން ބުނާގޮތުން ކިމްގެ ހާލުކޮޅު ގޯސްވީ ހިތުގެ އޮޕަރޭޝަނުގައި ޑޮކްޓަރަށް ހެދުނު ގޯހެއްގެ ސަބަބުންނެވެ.
ކިމް އަވަހާރަވި ޚަބަރުތަކާއި ގުޅިގެން ސޯޝަލް މީޑިއާގައި އެތައް ބަޔަކު ދަނީ ޖޯކު ޖަހަމުންނެވެ.
