ހއ. އަތޮޅުން ފެށިގެން އދ އަތޮޅާއި ހަމަޔަށް ވައިޓް އެލާރޓް ނެރެފި
25 އެޕްރީލު 2020 | ހޮނިހިރު 22:22އާދީއްތަ ދުވަހުގެ ދަންވަރު 01:15 ން ފެށިގެން ހެނދުނު 07:15 ށް އެސަރަހައްދަށް ބޯކޮށް ވާރޭވެހޭނެ
ވިއްސާރަ ދުވަސްވަރު ކަނޑުދަތުރުފަތުރު ކުރުން
ހއ އަތޮޅުން ފެށިގެން އދ އަތޮޅަށް އަދި ލ އަތޮޅުން އައްޑޫސިޓީއާއި ހަމައަށް ވައިޓް އެލަރޓް ނެރެފިއެވެ.
މޫސުމާ ބެހޭ ގައުމީ އިދާރާއިން ބުނީ އާދީއްތަ ދުވަހުގެ ދަންވަރު 01:15 ން ފެށިގެން ހެނދުނު 07:15 ށް އެސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށެވެ.
މެޓް އޮފީހުން ލަފާކުރާ ގޮތުގައި އާދިއްތަ ދުވަހުގެ ރޭ 8:00 އާއި ހަމަޔަށް ރާއްޖޭގެ އެކިހިސާބަށް ވިއްސާރަ ކޮށް ގުގުރާނެއެވެ. އަދި ބައެއް ރަށްތަކަށް ބޯކޮށް ވާރޭވެހުމަކީވެސް އެކަށީގެންވާ ކަމެއްކަމަށް މެޓް އޮފީހުން ބުނެއެވެ.
ހުޅަނގާއި ހުޅަނގުއުތުރުން ގަޑިއަކު 05 މޭލާއި 15 މޭލާ ދެމެދުގެ ބާރުމިނުގައި ވައި ޖެހޭނެކަމަށާއި ވިލާގަނޑުގައި ގަޑިއަކު ގާތްގަނޑަކަށް 35 މޭލަށް ވައި ގަދަވުން އެކަށީގެން ވާކަމަށްވެސް މެޓް އޮފީހުން ބުނެއެވެ.
ކަނޑުތައް އާދައިގެ ވަރަކަށް މަޑުވެފައި ވިލާގަނޑުގައި އާދައިގެ ވަރަކަށް ގަދަ ވާނެކަމަށް މެޓް އޮފީހުން ބުނެއެވެ. ބޯކޮށް ވާރޭ ވެހި ގުގުރާނެ ކަމަށް ލަފާކުރެވޭތީވެ އެންމެހާ ފަރާތްތަކުން މޫސުމަށް ސަމާލު ވުމަށް މެޓް އޮފީހުން ވަނީ އިލްތިމާސްކޮށްފައެވެ.
މިދުވަސްވަރު ރާއްޖެއަށް ވިއްސާރަކުރަމުންދާއިރު ކޮވިޑް-19 ގެ ބަލިމަޑުކަން ފެތުރެމުންދާތީ އާއެކު މަދިރި އުފެދޭގޮތަށް ހުންނަ ތަންތަން ނައްތާލާ އެކަމަށް ސަމާލުކަން ދިނުމަށް އެޗްޕީއޭއިން ވަނީ އިލްތިމާސްކޮށްފައެވެ.
