ބައްޔަށް ވަކި ޚާއްސަ ފަރުވާއެއް އަދި ހޯދިފައިނުވާތީ ކޮވިޑް-19 ށް ދިވެހި ބޭސް ކުރުމަށް އިރުޝާދެއް ނުދޭނަން: ޑޮކްޓަރ
25 އެޕްރީލު 2020 | ހޮނިހިރު 12:30ރާއްޖޭގައިވެސް ބައްޔަށް ފަރުވާދެމުން އަންނަނީ އެހެން ތަންތަނާގައިވެސް ފަރުވާ ދޭ ގޮތަށް ފެންނަ އަލާމާތްތަކަށް
ޓެގް ގެ އިސް ޑޮކްޓަރ އަލީ ލަތީފް
ކޮވިޑް-19 އަކީ ދުނިޔެއަށް އަދި އައު ބައްޔަކަށްވެފައި ބައްޔަށް ފަރުވާއެއް ހޯދިފައިނުވާތީ ރާއްޖެއިން މިވައިރަސް އަށް ޕޮޒިޓިވްވާ މީހުން ދިވެހި ބޭސް ކުރުމަށް އިރުޝާދު ނުދެއްވާނެ ކަމަށް ޓެކްނިކަލް އެޑްވައިޒަރީ ގްރޫޕް(ޓެގް)ގެ އިސްޑޮކްޓަރ، ޑޮކްޓަރ އަލީލަތީފް ވިދާޅުވެއްޖެ އެވެ.
ކޮވިޑް-19 އާ ގުޅިގެން އެންމެ ފަހުގެ މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު މިކަމާ ގުޅޭގޮތުން ކުރެއްވި ސުވާލަކަށް ޖަވާބުދެއްވަމުން ޑރ އަލީ ލަތީފް ވިދާޅުވީ މިބައްޔަށް އަދި ވަކި ޚާއްސަ ފަރުވާއެއް ހޯދިފައިނުވާތީ ރާއްޖޭގައިވެސް ބައްޔަށް ފަރުވާދެމުން އަންނަނީ އެހެން ތަންތަނގައިވެސް ފަރުވާ ދޭ ގޮތަށް ފެންނަ އަލާމާތްތަކަށް ކަމަށެވެ.
ރާއްޖޭގައި މިހާތަނަށް އައިއިރު ކޮވިޑް-19 137 މީހުން ޕޮޒިޓިވް ވެފައިވާއިރު މިހާތަނަށް އައިއިރު ރަނގަޅުވެފައިވަނީ 17 މީހުންނެވެ.
ކޮވިޑް-19 ޖެހޭ މީހުންނަށް ފަރުވާ ދިނުމަށް ބައެއް ޤައުމުތަކުގައި ބޭނުންކުރާ ބޭހެއް ކަމަށްވާ ހައިޑްރޮކްސީކްލޮރޯކްއީން (އެޗްސީކިއު) ރާއްޖޭގައި ބޭނުންކުރަނީ ޞިއްޙީ ތަޖުރިބާކާރުންގެ ލަފައާ އެއްގޮތަށް ކަމަށް ސަރުކާރުން ބުނެއެވެ.
