މަރުވެފައި އޮއްވާ ފެނުނު ބިދޭސީ މީހާއަ ކޮވިޑް-19 އާ ގުޅުމެއް ނެތް
އެމީހާ މަރުވެފައި އޮއްވާ ފެނުނީ 19 ވަނަ ދުވަހު
ފުލުހުން ބަންދުކޮށްފައިވާ ސަރަހައްދެއް
މި މަހުުގެ 19 ވަނަ ދުވަހު މާލެ މަގުމައްޗަށް ވެއްޓިގެން ހޮސްޕިޓަލަށް ގެންދިޔައިރު މަރުވެފައިވާ ބިދޭސީ މީހާއަކީ ކޮވިޑް-19 އާ ގުޅުމެއް ހުރި މީހެއް ނޫން ކަމަށް ނެޝަނަަލް އެމެޖެންސީ ސެންޓަރ (އެންއީއޯސީ) އިން ހާމަކޮށްފިއެވެ.
އާދިއްތާ ދުވަހުގެރޭ މާލޭ ލަކްޒަރީ ކައިރީ މީހަކު ވެއްޓިފައި އޮއްވާ ވަނީ ފެނިފައެވެ. އެމްްއެންޑީއެފުން މައުލޫމާތު ދީފައިވާގޮތުން އެ މީހާ އަކީ އުމުރުން 50 އަހަރުގެ ބިދޭސީއެވެ. އަދި އޭނާ ސެނެހިޔާ ހޮސްޕިޓަލަށް ގެންދިޔަ އިރު މަރުވެފައިވާ ކަމަށް ޑޮކްޓަރުން ކަށަވަރު ކޮށްދީފައިވާ އެމްއެންޑީއެފުން ވަނީ ހާމަކޮށްފައެވެ.
ހުކުރު ދުވަހު ބޭއްވި ބްރީފިންގައި އެ މީހާގެ މަރާއި ކޮވިޑް-19 އާ ގުޅުމެއްވޭތޯ ނޫސްވެރިޔަކު ސުވާލު ކުރުމުން ތަރުޖަމާނު މަބްރޫކް އަޒީޒް ވިދާޅުވީ، އެ މީހާގެ ޓެސްޓް ހެދި ކަމަށާއި، އޭނާ އެ ބައްޔަށް ނެގެޓިވް ކަމަށެވެ.
