ހުޅުމާލެ ފުޓްބޯޅަ ސްކޫލް ވަގުތީ ހިޔާއެއްގެ ގޮތުގައި ބޭނުންކުރަނީ
24 އެޕްރީލު 2020 | ހުކުރު 17:59މަގުމަތިވެފައިވާ މީހުންގެ އަދަދު ގިނަ
ހުޅުމާލެ ފުޓްބޯޅަ ސްކޫލްގެ ކޮޓަރިއެއް
ހުޅުމާލޭގައި ހަދަމުންދާ ފުޓްބޯޅަ ސްކޫލް ވަގުތީ ހިޔާއެއްގެ ގޮތުުގައި ބޭނުންކުރާ ގޮތަަށް ހަމަޖައްސައިފިއެވެ.
ޔޫތް މިނިސްޓަރު އަހުމަދު މަހްލޫފް ކުރެއްވި ޓްވީޓެއްގައި ވިދާޅުވީ، ހުޅުމާލެ ފުޓްބޯޅަ ސްކޫލްގެ 24 ރޫމްގެ މަސައްކަތް ނިމިފައިވާ ކަމަށާއި، އެތަން ބޭނުންކުރާނީ މުހިއްމު ކަންތައްތަކުގައި އެހީތެރިކަމަށް ބޭނުންވާ ފަރާތްތަކަށް ކަމަށެވެ.
މަހްލޫފް ވިދާޅުވީ، އެ މަސައްކަތަކީ ރައީސް އިބްރާހިމް މުހައްމަދު ސޯލިހު އަދި ނައިބް ރައީސް ފައިސަލް ނަސީމްގެ ބެއްލެވުމުގެ ދަށުން ޖެންޑަރ މިނިސްޓަރ އައިޝަތު މުހައްމަދު ދީދީގެ ބުރަ މަސައްކަތް ތަކެއް ކުރައްވާ ކަމުގައެވެ.
ކޮވިޑް-19 އާ ގުޅިގެން މާލެ ލޮކްޑައުން ކޮށްފައިވާއިރު، ވަންނާނެ ތަނެއް ނެތި މާލޭގެ މަގުމަތީގައި އުޅޭ މީހުންގެ އަދަދު ދަނީ ގިނަވަމުންނެވެ. މާލެ ސިޓި ކައުންސިލާއި ޖެންޑަރ މިނިސްޓްރީން ދަނީ އެ ފަރާތްތަކަށް އެހީތެރިކަން ފޯރުކޮށްދެމުންނެވެ.
