އައިޖީއެމްއެޗްގައި ކޮވިޑް-19 ޓެސްޓް ހަދަން 16 ލެބް ޓެކްނިޝަނުން ތަމްރީންކޮށްފި
23 އެޕްރީލު 2020 | ބުރާސްފަތި 22:454960 މީހަކު ވަނީ ޓެސްޓު ވަނީ ކޮށްފައި
އައިޖީއެމްއެޗްގެ ލެބޯރެޓަރީގައި ލެބް ޓެކްނިޝަނަކު މަސައްކަތް ކުރަނީ
ކޮވިޑް-19 އަށް ޓެސްޓުކުރަން 16 ލެބޯރެޓަރީ ޓެކްނިޝަނުން ޓްރެއިން ކުރެވިފައިވާ ކަމަށް އިންދިރާގާންދީ މެމޯރިއަލް ހޮސްޕިޓަލް އައިޖީއެމްއެޗުން ބުނެފިއެވެ.
ލެބޯރެޓަރީ ޕްރޮފެޝަނަލް ވީކް (19 އޭޕްރިލް އިން 25 އޭޕްރިލް) އާ ގުޅޭ ގޮތުން އަައިޖީއެމްއެޗުން ނެރުނު ބަޔާނެއްގައި ބުނީ، ރާއްޖެއިން ކޮވިޑް-19 ގެ ފުރަތަމަ ކޭސް ދެނެގަނެވުނުއިރު، ޕީސީއާރް ޓެސްޓު ކުރަން ތިބީ ލެބޯރެޓަރީގެ ތިން ޕްރޮފެޝަނަލުން ކަމަށެވެ.
ނަމަވެސް އެ ވަގުތުން ފެށިގެން 24 ގަޑިއިރު ޕީސީއާރު ހަދާ އަދި އިތުރު ޕްރޮފެޝަނަލުން ޓްރެއިން ކުރަމުން ކަަމަށެވެ. އެގޮތުން މިހާރު އައިޖީއެމްއެޗް ލެބޯޓްރީގެ ޖުމްލަ 13 ޕްރޮފެޝަނަލުންނާއި ފުލުހުންގެ ލެބޯޓްރީ ޕްރޮފެޝަނަލަކާއި "ޝީ" ގެ ލެބޯޓްރީ ދެ ޕްރޮފެޝަނަލުން ކޮވިޑް ޕީސީ އާރަށް ޓްރެއިން ކުރެވިފައިވާ ކަމަށް އައިޖީއެމްއެޗުން ބުންޏެވެ. އަދި މިހާރުވެސް ލެބޯޓްރީގެ ހަތަރު ޕްރޮފެޝަނަލުންނާއި ފުލުހުންގެ ލެބޯޓްރީ ޕްރޮފެޝަނަލަކު، ކޮވިޑް ޕީސީއާރަށް ޓްރެއިން ކުރެވެމުންދާކަން އައިޖީއެމްއެޗުން ވަނީ ފާހަގަކޮށްފައެވެ.
އައިޖީއެމްއެޗުން ދަނީ ޕީސީއާރު ލެބްގެ ކެޕޭސިޓީ ބިލްޑް ކުރުމުގެ މަސައްކަތް ކަމާބެހޭ ފަރާތްތަކާއިއެކު ކުރަމުންނެވެ.
ބުރާސްފަތި ދުވަހާ ހަމަޔަށް ރާއްޖެއިން 4960 މީހަކު ވަނީ ކޮވިޑް-19 އަށް ޓެސްޓު ކޮށްފައެވެ.
