ރަށްރަށުން ގެންނަ މުދާ ޑިސްޓްރިބިއުޓް ކުރަން ނޯތް ހާބަރުގައި ސެންޓަރެއް

ރަށްރަށުން ގެންނަ މުދައި ބާލައި, ޑިސްޓްރިބިއުޓް ކުރުމަށް މާލެ ނޯތް ހާބަރުގައި ސެންޓަރެއް ގާއިމް ކޮށްފައިވާ ކަމަށް އިކޮނޮމިކް މިނިސްޓްރީން ބުނެފިއެވެ.

ބުރާސްފަތި ދުވަހުގެރޭ ނެޝަނަލް އެމެޖެންސީ އޮޕަރޭޝަން ސެންޓަރުގައި ނޫސްވެރިންނަށް މައުލޫމާތުދެއްވަމުން ރެޖިސްޓްރާ އޮފް ކޮމްޕެނީސް މަރިޔަމް ވިސާމް ވިދާޅުވީ، ލޮކްޑައުން ގުޅިގެން މާލެ ތެރޭގެ އިތުރުން އަތޮޅު ތަކުން މުދާ ފޯރުކޮށްދިނުމުގައި ދަތިތަކަކާއި ދިމާވެފައިވާ ކަމަށެވެ.

ނޯތް ހަބަރުގައި ގާއިމް ކުރެވުނު ޑެސްކުގައި ހުއްދަ ހޯދުމަށް ކައުންސިލްތަކުން ގުޅާނެ ފޯލަކް ޕޮއިންޓެއްވެސް ގާއިމްކުރެވިފައިވް ކަމަށް ވިސާމް ވިދާޅުވިއެވެ.

އޭނާ ވިދާޅުވީ، ފުލުހުންނާއި އިކޮނޮމިކް މިނިސްޓްރީ އަދި އެމްޕީއެލުން ދޭންޖެހެ ހުއްދަތައް ދިނުމަށްފަހު މާލެއަށް ލަފާ ދޯނިތަކުން މުދާ ބާލައި، މުދާ ފޯރުކޮށްދޭންޖެހޭ ތަންތަނަށް ފޯރުކޮށްދޭނެ ލޮޖިސްޓިކަލް އެރޭންޖްމެންޓެއް މިހާރު ހަމަޖެހިފައިވާ ކަމަށެވެ.

އިކޮނޮމިކް މިނިސްޓްރީން ނޯތް ހާބަރުގައި ގާއިމް ކޮށްފައިވާ ކޯލް ސެންޓަރުގެ ނަންބަރަކީ 3039604 އެވެ.