ޗައިނާގައި ފަރުވާ ދޭ މީހުންގެ އަދަދު 1000ށް ވުރެ ދަށަށް

ކޮވިޑް-19 އާއި ގުޅިގެން ޗައިނާގައި ފަރުވާ ދެމުން އަންނަ މީހުންގެ އަދަދު 1000ށް ވުރެ ދަށަށް ހިނގައްޖެއެވެ.

ޗައިނާއިން މިހާތަނަށް 82،000ށް ވުރެ ގިނަ މީހުން ކޮވިޑް-19ށް ޕޮޒިޓިވް ވެގެން ރިޕޯޓްކޮށްފައިވާ އިރު، އެގައުމުގައި ބަލިން ސަލާމަތްވި މީހުންގެ އަދަދު ވަނީ 77،000ށް ވުރެ މައްޗަށް އަރާފައެވެ. މި ތަފާސް ހިސާބުތައް ދައްކާގޮތުން 81،000 ގިނަ ކޭސް ވަނީ ކްލޯސްޑް ކޭސް ގޮތުގަ ހިމެނެއެވެ. އޭގެ ތެރޭގައި 4،600ށް ވުރެ ގިނަ މީހުން މަރުވެފައިވެއެވެ. މިއީ ކްލޯސްޑް ކޭސްގެ 6 އިންސައްތައެވެ. ރަނގަޅުވި މީހުންގެ އަދަދު 77،200ށް ވުރެ މައްޗަށް އަރާފާއިވާ އިރު މިއީ ކްލޯސްޑް ކޭސްގެ 94 އިންސައްތައެވެ.

އެކްޓިވް ނުވަތަ ފަރުވާ ދެމުން އަންނަ މީހުންގެ ނިސްބަތަށް ބަލާއިރު، މިވަގުތު ޗައިނާގައި ފަރުވާ ދެމުން އަންނަނީ 950ށް ވުރެ ގިނަ މީހުންނެވެ. މީގެ ތެރެއިން 890ށް ގިނަ މީހުންނަކީ އާންމު ހާލަތުގައި ފަރުވާ ދެމުން އަންނަ މީހުންނެވެ. މިއީ އެކްޓިވް ކޭސްގެ 93 އިންސައްތައެވެ. ކްރިޓިކަލް ނުވަތަ ހާލުބޮޑުވެގެން ފަރުވާ ދެމުން އަންނަނީ 63 ވަރަކަށް މީހުންނަށެވެ. މިއީ އެކްޓިވް ކޭސްގެ 7 އިންސައްތައެވެ.

ޗައިނާއިން މިދިޔަ އަހަރުގެ ޑިސެމްބަރުގައި ޗައިނާއިން ފެނުނު ގޮތް ނޭނގޭ ބައްޔަކީ ކޮވިޑް-19 ކަމަށް ކަނޑައެޅި އިރު އެގައުމުގައި އެންމެ ފުރަތަމަ ބަލި ފެނުނު ހުބޭ ޕްރޮވިންސްގެ ވުހާން ސިޓީގައި ގިނަ އަދަދެއްގެ ކޭސްތަކެއް ރިޕޯޓްކުރަމުންއައެވެ. ނަމަވެސް ޗައިނާއިން އެޅި ހަރުދަނާ ފިޔަވަޅުތަކާއެކު ބަލި ފެތުރުން ކުޑަކޮށްފައިވަނީ މާރޗް މަހުގެ ކުރީ ކޮޅުގައެވެ.