އިންޑިއާގެ މަޝްހޫރު ޑައިރެކްޓަރ ރޯހިތް ޝެޓީގެ 8 ހޮޓަލެއް މުންބާއީގެ ފުލުހުންގެ ބޭނުންތަކަށް ދީފިއެވެ.

މުންބައި ފުލުހުން އަންގާރަ ދުވަހު ކުރި ޓްވީޓެއްގައި ބުނެފައި ވަނީ ރޯހިތް ޝެޓީގެ އަށް ހޮޓަލް ބޭނުން ކުރަމުން ދަނީ ކޮވިޑް 19 އާއި ގުޅިގެން އެ ސްޓޭޝަންގައި ޑިއުޓީ ކުރަމުންދާ ފުލުހުންގެ ބޭނުންތަކަށް ކަމަށެވެ.

ދުނިޔޭގައި ހަލުވިކަމާއި އެކު ފެތުރެމުން އަންނަ ކޮވިޑް 19 އާއި ގުޅިގެން، މުޅި އިންޑިއާ ވަނީ ލޮކްޑައުން ކޮށްފައެވެ.

އެގޮތުން އޮން ޑިއުޓީގައި މަސައްކަތް ކުރާ ފުލުހުންގެ ކެއިންބުއިމުގެ ކަންތަށް ވެސް އެ ހޮޓަލްތަކުން މި ވަގުތު ކުރަމުންދާ ކަމަށެވެ. ފުލުހުންގެ ބޭނުންތަކަށް އަށް ހޮޓަލް ރޯހިތް ހަމަޖައްސައި ދިނުމުން މުންބާއި ފުލުހުން ވަނީ އެނާ އަށް ޝުކުރު އަދާކޮށްފައެވެ. އިންޑިއާ ލޮކްޑައުން ކުރުމުން އެ ގައުމުގައި ދުވަހު މުސާރަ އަށް މަސައްކަތްކުރާ ފަރާތަކަށް ވެސް ރޯހިތު ވަނީ 51 ލައްކަ އިންޑިއަން ރުޕީސް ހަދިޔާކޮށްފައެވެ.

އިންޑިއާގެ މަޝްހޫރު ގިނަ ތަރިން ދަނީ ކޮވިޑް 19 ގުޅިގެން އެގައުމުގެ ބޮޑުވަޒީރު ހުޅުވާފައިވާ "ޕީއެމް ކެއަރ" ފަންޑަށް ފައިސާގެ އެހީތެރިކަން ފޯރުކޮށްދެމުންނެވެ.