ރަމަޟާންމަހު އެމްބީއެސްގެ ޚިދުމަތްދޭނެ ގަޑިތައް ކަނޑައަޅާއިފި
22 އެޕްރީލު 2020 | ބުދަ 09:43ޚިދުމަތް ލިބޭނީ ހެނދުނު 9:00-13:00 އަށް
ތެލެސީމިއާ ކުދިންނަށް ލޭ ހަދިޔާކޮށްދިނުމަށް އިލްތިމާސްކޮށްފައިވޭ
ރަމަޟާންމަހު މޯލްޑިވްސް ބްލަޑް ސާވިސަސް (އެމްބީއެސް)ގެ ޚިދުމަތްދޭނެ ގަޑިތައް ކަނޑައަޅާއިފިއެވެ.
ބްލަޑް ސަރވިސް އިން ބުނީ 1441 ވަނަ އަހަރުގެ ރަމަޟާންމަހު ޚިދުމަތްދޭ ދުވަސްތަކާއި، ގަޑިތަކަށް ބަދަލު ގެނެވިފައިވާ ކަމަށެވެ.
އެގޮތުން ރޯދަމަހުގެ ފުރަތަމަ ދުވަހަކީ މިމަހުގެ 23 ވާ ބުރާސްފަތި ދުވަސް ކަމަށްވާނަމަ ޚިދުމަތް ލިބޭނީ ހެނދުނު 9:00ން 13:00ށް ކަމަށެވެ. އަދި ރޭގަނޑު 20:00ން 00:00ށް ކަމަށެވެ.
ބްލަޑް ސަރވިސް އިން ބުނީ މިމަހުގެ 26ވާ އާދިއްތަ ދުވަހުން ފެށިގެން، ރަމަޟާން މަސް އަދި ޝައްވާލް މަހުގެ 7 ވަނަ ދުވަހާއި ހަމައަށް، ހުކުރު އަދި ހޮނިހިރު ދުވަސް ފިޔަވާ ކޮންމެ ދުވަހަކު ހެނދުނު 9:00ން 13:00ށް އަދި ރޭގަނޑު 20:00ން 00:00ށް ޚިދުމަތް ލިބޭނެ ކަމަށެވެ.
ކޮވިޑް-19 ފަތުރެމުންދާތީ މާލެސިޓީ ވަނީ ލޮކްޑައުންކޮށްފައެވެ. އެހެންކަމުން ލޭ ލިބުމުގައި ދަތިތައް ކުރިމަތިވެފައިވާތީ ލޭ ހަދިޔާކޮށް ދިނުމަށް ބްލަޑް ސަރވިސް އިން އިލްތިމާސްކޮށްފައިވެއެވެ. ސްޓޮކް ދަށަށްދާކަން ފާހަގަކޮށް ބްލަޑް ސަރވިސް އިން ބުނީ ތެލެސީމިއާ ކުދިންގެ ގަޔަށް އަޅަން ހަފްތާއަކު 160 ޔުނިޓްގެ ލޭ ބޭނުންވާކަމަށެވެ.
