އުރީދޫ މޯލްޑިވްސުން ޑެއިލީ ޑޭޓާ ކޮންބޯގެ ނަމުގައި ޕްރީޕެއިޑް ކަސްޓަމަރުންނަށް ޙާއްސަ އޮފަރ އެއް އެކުންފުނިން ތައާރަފުކޮށްފިއެވެ.
އުރީދޫ އިން ތައާރަފުކޮށްފައިވާ މި ޕެކޭޖްގެ ދަށުން ޑެއިލީ ޑޭޓާ ނަންގަވާ ފަރާތްތަކަށް 1 ޖީބީ ޑޭޓާގެ އިތުރުން އަންލިމިޓަޑް އުރީދޫ ކޯލް އެންމެ 35ރ އަށް ލިބޭނެއެވެ.
އެހެން އަހަރުތަކާ ހިލާފަށް މިއަހަރުގެ ރަމަޟާން މަހާ ކުރިމަތިލާން ދިވެހިން ތައްޔާރުވަމުން ދަނީ އާއިލާއާ ރައްޓެހިންނާއި ދުރުގައި، ގައިދުރުކަން ދަމަހައްޓަމުންކަން ފާހަގަކޮށް އުރީދޫ އިން ބުނީ އާއިލީ ގުޅުން އަދި ރައްޓެހިންގެ ހާލު އަހުވާލު ބަލާ ހެދުމަށް މުވާސަލާތީ ޚިދުމަތްތަކަށް އިހުނަށްވުރެ ބޮޑަށް މުހިންމުވެފައިވާ ކަމަށެވެ.
އެގޮތުން ރައްކާތެރިކަމާއެކު ގޭގައި ތިބެގެން ޑެއިލީ ޑޭޓާ ކޮމްބޯ އަދި އެހެނިހެން އުރީދޫ ޚިދުމަތްތައް ހޯދުމުގައި ކަސްޓަމަރުންނަށް ފަސޭހައިން އެކްޓިވޭޓް ކުރެވޭނެ ގޮތްތަށް ހަމަޖައްސާފައިވާ ކަމަށާއި ޑެއިލީ ޑޭޓާ ކޮމްބޯ އުރީދޫ އެޕް މެދުވެރިކޮށް އަދި929އަށް ގުޅައިގެންވެސް އެކްޓިވޭޓް ކުރެވޭނެ ކަމަށް އުރީދޫ އިން ބުނެއެވެ.
ދުނިޔެ ކުރިމަތިލަމުންދާ މި އުނދަގޫ ދުވަސްތަކުގައި ދިވެހި މުޖުތަމައު ޑިޖިޓަލް ޒަރިއްޔާތައް މެދުވެރިކޮށް ގުޅުވާދިނުމަށް އުރީދޫ މޯލްޑިވްސްއިން މަސައްކަތް ކުރަމުންދަނީ ވަރަށް ހާއްސަ އިސްކަމެއްދީގެން ކަމަށް އެ ކުންފުނިން ބުނެއެވެ. އެގޮތުން ޑެއިލީ ޑޭޓާ ކޮމްބޯ އޮފަރ އާއި އެކު ޕްރީޕެއިޑް ކަސްޓަމަރުންނަށް އިތުރު ލުޔެއް ލިބި، ގިނަ ބަޔަކަށް މެދުކެނޑުމެއް ނެތި އިންޓަނެޓްގެ ޚިދުމަތް ބޭނުންކުރުމުގެ ފުރުސަތު ހުޅުވިގެންދާނެ ކަމަށް އުންމީދު ކުރާ ކަމަށް ވެސް އެ ކުންފުނިން ބުންޏެވެ.
