18 ތަނެއް މޮނީޓަރިންގ އަށް، ނޯތު ހާބަރު ކުރިމަތީގައި ހުރި ހުރިހާ ފިހާރަތަކެއް ހިމެނޭ
މީގެ ތެރޭގައި 7 ރަށެއް ހިމެނޭ
މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި ކޮވިޑް-19 ޓާސްކްފޯހުގެ ތަރުޖަމާނު މަބްރޫކު އަޒީޒް ވާހަކަ ދައްކަވަނީ
18 ތަނެއް މޮނީޓަރިންގ ގެ ހާލަތަށް ގެނެވިފައިވާ ކަމަށް ކޮވިޑް-19 ޓާސްކްފޯހުގެ ތަރުޖަމާނު މަބްރޫކު އަޒީޒް ވިދާޅުވެއްޖެއެވެ.
އާދިއްތަ ދުވަހު ނޭޝަނަލް އެމަރޖެންސީ އޮޕަރޭޝަންސް ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މަބްރޫކް ވިދާޅުވީ އެ 18 ތަން މޮނީޓަރިންގ ގެ ހާލަތަށް ގެނެވިފައިވާއިރު އިތުރު ކޮންޓެކްޓް ޓްރޭސިންގ ހެދުމުގެ މަސައްކަތް ކުރިއަށްދާ ކަމަށެވެ.
މިހާތަނަށް ރާއްޖޭގައި ޕޮޒިޓިވްވި ކޭސްތަކުގެ އަދަދު ވަނީ 51ށް އަރާފައެވެ. މީގެ ތެރޭގައި ހިމެނެނީ މާލެއިން ޕޮޒިޓިވް 14 ދިވެހިންނާއި 14 ބަންގުލަދޭޝް މީހުންނާއި އިންޑިއާ 2 މީހުންނެވެ.
މި މަހުގެ 17 ވާ ހުކުރު ދުވަހުން ފެށިގެން ކުރިއަތް އޮތް 14 ދުވަހަކީ ޕީކް ދުވަސް ވަރެއްކަމަށް ފާހަގަކޮށް އިތުރު ބައެއް މީހުން މާލެ ސިޓީ ޕޮޒިޓިވްވާނެ ކަމަށް ވެސް އެޗްޕީއޭއިން ވަނީ ބުނެއެވެ. އެހެން ކަމުން މިދުވަސްވަރު ރައްކާތެރިކަމުގެ ފިޔަވަޅުތައް އިތުރަށް އެޅުމަށް ވަނީ އިލްމާސްކޮށްފައެވެ.
