އިންޑިއާ އިން ކޮވިޑް-19އަށް ޕޮޒިޓިވްވި މީހުންގެ އަދަދު 16،000ށް ވުރެ މައްޗަށް
19 އެޕްރީލު 2020 | އާދީއްތަ 06:50މިހާތަނަށް 521 މީހަކު މަރުވެފައިވޭ
ކޮވިޑް-19އާ ގުޅިގެން އިންޑިއާ އޮތީ ލޮކްޑައުންކޮށްފައި
އިންޑިއާގައި 16،000ށް ވުރެ ގިނަ މީހުން ކޮވިޑް-19އަށް ޕޮޒިޓިވްވެފައިވާ ކަމަށް އެގައުމުން ހާމަކޮށްފިއެވެ.
އިންޑިއާގެ ހެލްތް މިނިސްޓްރީގެ ޑޭޓާއިން ދައްކާ ގޮތުގައި ހޮނިހިރު ދުވަހު އެކަނި ވެސް 2000ށް ވުރެ ގިނަ މީހުން ވައިރަސްއަށް ޕޮޒިޓިވްވެފައިވެއެވެ. އަދި މިހާތަނަށް 521 މީހަކު މި ބަލީގައި ވަނީ މަރުވެފައެވެ.
ހަލުހިމިނެއްގައި ކޮވިޑް-19 އިންޑިއާގައި ފެތުމެންދާއިރު، ކުއްލިއަކަށް އެގައުމުގައި ވައިރަސް ފެތުރެން ފެށީ މިދިޔަ މަހުގެ 30 ވަނަ ދުވަހުން ފެށިގެންނެވެ.
އެގޮތުން މާޗް 30 ވަނަ ދުވަހު 227 މީހުން ޕޮޒިޓިވްވެގެން ރިޕޯޓުކޮށްފައިވެއެވެ. މިއަދަދު ހިފެހެއްޓުމެއްގައި ހުރުމަށްފަހު އޭޕްރީލްމަހުގެ 07 ވަނަ ދުވަހު 573 މީހުން ޕޮޒިޓިވްވެފައިވެއެވެ. މިމަހުގެ 13 ވަނަ ދުވަހު 1248 މީހަކު ޕޮޒިޓިވްވެފައިވާއިރު، މިމަހުގެ 18 ވަނަ ދުވަހު 2013 މީހުން ކޮވިޑް-19އަށް ޕޮޒިޓިވްވެގެން ރިޕޯޓުކޮށްފައިވެއެވެ.
އިންޑިއާގައި ކޮވިޑް-19އަށް ޕޮޒިޓިވްވާ މީހުންގެ އަދަދު މަތިވަމުންދާއިރު، މި ދުވަސްކޮޅު އެންމެ ގިނައިން މިބައްޔަށް ޕޮޒިޓިވްވާ މީހުން ރިޕޯޓުކުރަމުންދަނީ އިންޑިއާގެ މަހާރާސްތްރައިން ކަމަށް ރިޕޯޓުތަކުން ބުނެއެވެ.
