އަސާސީ ބޭންކިންގ ޚިދުމަތްތައް ދިނުމަށްޓަކައި މިއަދު ބޭންކް ހުޅުވާނެ: ބީއެމްއެލް

އަސާސީ ބޭންކިންގ ޚިދުމަތްތައް ދިނުމަށްޓަކައި މިއަދު ބޭންކް ހުޅުވާނެ ކަމަށް ބޭންކް އޮފް މޯލްޑިވްސް (ބީއެމްއެލް) އިން ބުނެފިއެވެ.

ބީއެމްއެލް އިން ބުނީ އާދިއްތަ ދުވަހުގެ ހެނދުނު 9:30ން ފެށިގެން 12:30ށް ބޭންކް ހުޅުވިފައިވާ ހުންނާނެ ކަމަށެވެ. އެގޮތުން މި ގަޑިތަކުގައި ރާއްޖޭން ބޭރަށް ފައިސާ ޓްރާންސްފަރ ކުރުމާއި ޕޭ ރޯލް ހިދުމާއި އޭޓީއެމް މެދުވެރިކޮށް ޖަމާކުރާ ޗެކް ޕްރޮސެސް ކުރުމުގެ އިތުރުން ލޯކަލް ބޭންކް ޓްރާންސްފަރގެ ހިދުމަތް ލިބިގެންދާނެ ކަމަށެވެ.

ރާއްޖޭން ބޭރަށް ފައިސާ ޓްރާންސްފަރ ކުރުން

ޕޭ ރޯލް (މުވައްޒަފުންގެ މުސާރަ ޖަމާކޮށް ދިނުން) ޚިދުމަތް

އޭޓީއެމް މެދުވެރިކޮށް ޖަމާކުރާ ޗެކް ޕްރޮސެސް ކުރުން

ލޯކަލް ބޭންކް ޓްރާންސްފަރ

ބީއެމްއެލް އިން ބުނީ ބްރާންޗު ތަކުން ނަގުދު ފައިސާގެ އެއްވެސް މުއާމަލާތެއް ނުކުރާނެ ކަމަށެވެ.

ކަސްޓަމަރުންނަށް (ހުއްދަ ލިބިފައިވާ ފަރާތްތަކަށް) ނަގުދު ފައިސާ ނެގުމާއި ޖަމާކުރުމަށް އޭޓީއެމްގެ ޚިދުމަތް ލިބޭނެ ކަމަށާއި މިގޮތުން ވިޔަފާރި އެކައުންޓަކަށް ދުވާލަކު 200،000 ރުފިޔާ ޖަމާކުރެވޭނެ ކަމަށެވެ. އަދި އާންމު ފަރުދުންގެ އެކައުންޓަކަށް ދުވާލަކު 50،000 ރުފިޔާ ޖަމާކުރެވޭނެ ކަމަށް ވެސް ބީއެމްއެލުން ބުނެއެވެ.

ބީއެމްއެލުން އެންމެ އިސްކަމެއް ދެނީ މުވައްޒަފުންނާއި ކަސްޓަމަރުންގެ ރައްކާތެރިކަމަށްކަން ފާހަގަކޮށް އެ ބޭންކުން ބުނީ ހެލްތް ޕްރޮޓެކްޝަން އޭޖެންސީން ކަނޑައަޅުއްވާފައިވާ ފުރަބަންދުގެ މުއްދަތުގަައި ގޭގައި ތިބިގެން ބޭންކިންގ ޚިދުމަތް ހޯދުމަށް ބާރުއެޅުމުގެ ގޮތުން ބޭންކުގެ ހުރިހާ ބްރާންޗަކާއި ސަރވިސް ސެންޓަރތައް ބަންދުކޮށްފައިވާ ކަމަށެވެ.