ކޮވިޑް-19 އަށް ޕޮޒިޓިވް 100 މީހަކު ރާއްޖޭގައި އުޅޭ ކަމަށް ލަފާކުރެވޭ ކަމަށް ޑރ. ޝީނާ މޫސާ ވިދާޅުވެއްޖެ އެވެ.
ހުކުރު ދުވަހުގެރޭ ނެޝަނަލް އެމެޖެންސީ ސެންޓަރު (އެންއީއޯސީ) ގައި އޮންލައިންކޮށް ކުރިޔަށް ގެންދިޔަ ނޫސްވެރިންގެ ބައްދަލުވުމުގައި ޑރ. ޝީނާ ވިދާޅުވީ، ބަލި ފެތުރުމުގެ ސްޕީޑަށް އެންމެ ބޮޑަށް އަސަރުކުރަނީ ބައްޔަށް ހުށައެޅޭ މީހުންގެ އިތުރުން މީހުން ބައްޔަށް ހުށައެޅޭ މުއްދަތަށް ކަމުގައި ކަަމަށެވެ.
ޑރ. ޝީނާ ވިދާޅުވީ, އާއްމުންގެ ތެރޭގައި އަދި މަދު ކޭސްތަކެއް ފެނުނަސް އޭގެ ހަ ގުނަ އިތުރަށް ކޭސްތަކެއް ފެނިގެންދާނެ ކަމަށް ލަފާކުރެވޭ ކަމަށެވެ.
60 އަށް ވުރެ ގިނަ، 100 އާ ގާތްކުރާ ވަރަށް ކޭސް މިންވަރަކަށް މިހާރު އުޅޭނެ އަޅުގަނޑުމެންގެ ތެރޭގައިޑރ. ޝީނާ މޫސާ
ވަރަށް އަސަރާއި އެކު ވާހަކަ ދައްކަވަމުން ޑރ. ޝިނާ ވިދާޅުވީ، ކޮންޓެކްޓް ޓްރޭސިންގެ އަދަދުތައް ބަލާއިރު، ކޮންމެ މީހަކީ ވެސް ބައްޔަށް ހުށައެޅިފައިވާ މީހެއް ކަމަށެވެ.
ނިއުޒިލޭންޑްގެ ޑިސްޓްރިކްޓް ބޯޑް އިން ވައިކާޓޯގައި މަސައްކަތް ކުރައްވާ ޑރ. ޝީނާ އާދެސް ކުރައްވަމުން ރައްޔިތުންގެ ފަރާތުން އެދިވަޑަައިގަތީ، ހުރިހާ ފަރާތްތަކުންވެސް ފަރުދީ ޒިންމާ އަދާކޮށް ގައިދުރުކުރުމަށް އިސްކަން ދިނުމަށެވެ. އަދި މަރުވާ މީހުންގެ އަދަދު ގިނަވާނީ ސިއްހީ ނިޒާމަށް ނުކަތާ ވަރަށް މަރުވާ މީހުންގެ އަދަދު ގިނަވުމުން ކަމަށެވެ.
މިހާރު ބަލި ފެތުރެމުންދާ ރޭޓުގައި ބަލި ފެތުރޭނަމަ، ކުރިއަށް އޮތް 14 ދުވަހުގެ ތެރޭގައި ސިއްހީ ނިޒާމަށް ނުކަތާވަރަށް ވައިރަސް ފެތުރި، ގިނަ ބަޔެއްގެ ފުރާނަ ދިއުމުގެ ބިރު އެބައޮތެވެ. އަދިި ބަލި މީހުން އިތުރުވާނަމަ، އެންމެ ބޮޑު ނުރައްކަލަކަށް ހުށައެޅެނީ ސިއްހީ މަސައްކަތްތެރިން ކަމަށާއި މިކަމާއި ގުޅިގެން އިތުރު އުނދަގޫތަކަކާ ކުރިމަތިވާނެ ކަމަށެވެ.
މިހާތަނަށް މާލޭ ސަރަހައްދުން ފެނިފައިވާ ކޭސްތަކުގެ އަދަދު 8 އަށް އަރާއިރު، މާލެ ސިޓީއަކީ މި ބަލީގެ އެންމެ ނުރައްކާތެރި އެއް ސަރަހައްދެވެ. އަދި ބައިނަލްއަގްވާމީ ޖަމިއްޔާ ޖަމާއަތްތަކުން ވެސް ވަނީ މިކަން ފާހަގަކޮށް ދުރާލާ ފިޔަވަޅުތަކެއް އެޅުމަށް ގޮވާލާފަ އެވެ.
