ފިހާރަތަކުން 24 ގަޑިއިރު ޑެލިވަރީ ޚިދުމަތްދޭގޮތަށް ހަމަޖައްސައިފި
17 އެޕްރީލު 2020 | ހުކުރު 13:17ކެފޭތަކާއި ރެސްޓޯރެންޓް ތަކުން ކޮންމެ ދުވަހެއްގެ ހެނދުނު 08:00 އިން ރޭގަނޑު 11:00 އަށް ޑެލިވަރކޮށްދެވޭނެ
މާލޭގެ ފިހާރައެއް
މާލެ އިން ކޮވިޑް-19 ގެ ކޭސްއެއް ފެނުމާއި ގުޅިގެން މާލެ ސަރަހައްދު ލޮކްޑައުންކޮށްފައިވާ މުއްދަތުގައި ފިހާރަތަކުން 24 ގަޑިއިރު ޑެލިވަރީގެ ޙިދުމަތް ދިނުމުގެ ހުއްދަ ދީފިއެވެ.
ފުލުހުން ބުނީ ހުކުރު ދުވަހުން ފެށިގެން ހޯލްސޭލް އަދި ރީޓެއިލް ފިހާރަތަކުން 24 ގަޑިއިރު ޑެލިވަރީގެ ޙިދުމަތް ދިނުމުގެ ހުއްދަ ދީފައިވާ ކަމަށެވެ. އަދި ކެފޭތަކާއި ރެސްޓޯރެންޓް ތަކުން ކޮންމެ ދުވަހެއްގެ ހެނދުނު 08:00 އިން ރޭގަނޑު 11:00 ދެމެދު ޑެލިވަރީ ކުރެވޭނެކަމަށް ފުލުހުން ވަނީ ބުނެފައެވެ.
ލޮކްޑައުންގެ މުއްދަތުގައި މީގެކުރިން ފިހާރަތަކާއި ރެސްޓޯރެންޓުތަކުން ޑެލިވަރީ ކުރުމުގެ ހުއްދދީފައިވަނީ ހެނދުނު 09:00 ން 02:00 އަށާއި މެންދުރު ފަހު 03:00 އިން 06:00 އަށެވެ. އަދި ރޭގަނޑު 08:00 އިން 11:00 އަށެވެ.
މާލެއިން ކޮވިޑް-19 އަށް އިތުރު ބަޔަކު ޕޮޒިޓިވް ވުމާއި ގުޅިގެން މާލޭ ސަރަހއްދު ވަނީ 14 ދުވަހަށް ލޮކްޑައުން ކޮށްފައެވެ.
