ކޮވިޑް-19 އަށް މާލެއިން މީހަކު ޕޮޒިޓިވްވުމާއެކު މާލެ ސަރަހައްދު ލޮކްޑައުން ކުރުމާ ގުޅިގެން މަގުމަތިވި 42 މީހަކު މި ވަގުތު ވަގުތީ ހިޔާތަކުގައި އެބަތިބި ކަމަށް ޖެންޑާ މިނިސްޓްރީން ބުނެފިއެވެ.

އެކަމާއި ގުޅިގެން ޖެންޑަރ މިނިސްޓްރީން ކޮށްފައިވާ ޓްވީޓެއްގައި ބުނެފައިވަނީ މޯލްޑިވްސް ޕޮލިސް ސަރވިސް ގެ އެދުމުގެ މަތިން އެޑިޔުކޭޝަން މިނިސްޓްރީ އާއި އިސްލާމިކް މިނިސްޓްރީ ގުޅިގެން ޖެންޑަރ މިނިސްޓްރީން ރޭގައި މަގުމަތިވި މީހުންނަށް އެހީތެރިކަން ފޯރުކޮށްދީފައިވާ ކަމަށެވެ. އެގޮތުން ކާބޯތަކެއްޗާއި އުޅޭތަން ހަމަޖައްސައިދީފައިވާ ކަމަށް ޖެންޑަރ މިނިސްޓްރީން ބުނެއެވެ. އަދި 42 މީހަކު ވަގުތީ ހިޔާތަކުގައި ތިބިއިރު މާލެ ސިޓީ ކައުންސިލާ ގުޅިގެން އެމީހުންނަށް އެހީތެރިކަން ފޯރުކޮށްދިނުމުގެ މަސައްކަތް ކުރާނެ ކަަމަށް ޖެންޑަރ މިނިސްޓްރީން ބުނެއެވެ.

މާލޭގައި ދިރިއުޅޭ މީހަކު ކޮވިޑް-19 އަށް ޕޮޒިޓިވްވުމާއި ގުޅިގެން މާލެ ސަރަހައްދު ލޮކްޑައުން ކޮށްފައިވަނީ އަންގާރަ ދުވަހުގެ މެންދުރު ފަހު 15:30 އިން ފެށިގެން 24 ގަޑިއިރުގެ މުއްދަތަށެވެ.