މިއަދު ވެސް ގޭސް ޑެލިވަރީ ކޮށްދޭނެ: މޯލްޑިވް ގޭސް
ހެނދުނު 09:00 އަކުން ރޭގަނޑު 20:30 އަށް ގޭސް ޑެލިވަރ ކޮށްދޭނެ
މޯލްޑިވް ގޭހުގެ ލުއި ފުޅިތައް
މޯލްޑިވް ގޭސް އިން މިއަދު ގޭސް ޑެލިވަރީ ކޮށްދޭ ގަޑިތައް ހާމަކޮށްފިއެވެ.
މޯލްޑިވް ގޭސް އިން ބުނީ ހެނދުނު 09:00 އަކުން ރޭގަނޑު 20:30 އަށް ގޭސް ޑެލިވަރީ ކޮށްދެމުން ގެންދާނެ ކަމަށެވެ. އަދި ރައްކާތެރިކަމުގެ ފިޔަވަޅެއްގެ ގޮތުން ގޭސް ފުޅި ގެންދާނީ ގޭގެ ދޮރާ ހަމައަށް ކަމަށް މޯލްޑިވް ގޭސް އިން ބުނެއެވެ. ޑެލިވަރީ ކުރުމަށް އޯޑަރު ކުރާނީ އޮންލައިންކޮށް ނުވަތަ އެސްއެމްއެސް މެދުވެރިކޮށް ކަމަށް ވެސް މޯލްޑިވް ގޭސް އިން ބުނެއެވެ.
އެގޮތުން ގޭސް ޑެލިވަރީ ކުރުމުގެ ޚިދުމަތަށް އެދުމަށް މޯލްޑިވް ގޭސްގެ ވެބްސައިޓަށް ވަނުމުންނާއި އަދި އެސްއެމްއެސް މެދުވެރިކޮށް އެކަން ކުރެވޭނެކަމަށް މޯލްޑިވް ގޭސް އިން ބުނެއެވެ.
ކޮވިޑް-19 އަށް މާލޭގައި ދިރިއުޅޭ ރައްޔިތަކު ޕޮޒިޓިވްވުމާއި ގުޅިގެން މާލެ ވަނީ 24 ގަޑިއިރަށް ލޮކްޑައުންކޮށްފައެވެ. އެއާއެކު ޒަރޫރީ ބޭނުންތަކަށް ބޭނުންވާ ތަކެތި ރައްޔިތުންނާ ހަމައަށް ލިބޭނެ އިންތިޒާމުތައް އަންނަނީ އެ ޚިދުމަތްތައް ފޯރުކޮށްދޭ ތަންތަނުން ހަމަޖައްސަމުންނެވެ.
