ކޮވިޑް-19 ޓާސްކްފޯހުގެ ބައްދަލުވުން އޮންލައިންކޮށް
16 އެޕްރީލު 2020 | ބުރާސްފަތި 00:07ބުދަ ދުވަހު ރައީސް ވަނީ ގައުމާއި މުހާތަބު ކުރައްވާފައި
ބުދަ ދުވަހުގެރޭ ކުރިޔަށް ގެންދިޔަ ކޮވިޑް-19 ޓާސްކް ފޯހުގެ ބައްދަލުވުމުގެ ތެރެއިން
ކޮވިޑް-19 އާ ގުޅިގެން ރައީސް އިބްރާހިމް މުުހައްމަދު ސޯލިހު އެކުލަވާލާފައިވާ ޓާސްކް ފޯހުގެ ބައްދަލުވުން އޮންލައިންކޮށް ކުރިޔަސް ގެންގޮސްފިއެވެ.
ބުދަ ދުވަހުގެރޭ ބޭއްވި އެ ބައްދަލުވުމަށް ފަހު ކުރެއްވި ޓްވީޓެއްގައި ފޮރިން މިނިސްޓަރު އަބްދުﷲ ޝާހިދު ވިދާޅުވީ، ކޮމިއުނިޓީ ސްޕްރެޑާއި ގުޅޭ ގޮތުން ބައްދަލުވުމުގައި މަޝްވަރާ ކުރެވިފައިވާ ކަމަށެެވެ. މާލެ މިހާރު ލޮކްްޑައުން ކޮށްފައިވާއިރު، ރައްކާތެރި ކަމުގެ ގޮތުން ހުރިހާ ފިޔަވަޅުތަކެއް އަޅާފައިވާ ކަމަށް ވިދާޅުވިއެވެ.
މާލެއިން ފުރަތަމަ ފަހަރަށް މީހަކު ކޮވިޑް-19 އަށް ޕޮޒިޓިވްވުމާއި ގުޅިގެން ގައުމާއި މުހާތަބު ކުރައްވާ ވާހަކަފުޅު ދައްކަވަމުން ރައީސް ވަނީ، ހުރިހާ ރައްޔިތުންގެ ކިބައިން ކެތްތެރިކަމާއެކު ސަރުކާރުން ކުރަމުންދާ މަސައްކަތަށް އެއްބާރުލުން ދެއްވުމަށް އެދިވަޑައިގަންނަވާފައެވެ.
މުޅި މުޖުތަމަޢުގެ ރައްކާތެރިކަމަށް އެންމެން އެކުގައި މަސައްކަތް ކުރުމަކީ ވަރަށް މުހިއްމު ކަމެއް ކަމަށާއި، ކެތްތެރިކަމާއި ޙިކުމަތްތެރިކަމާއެކު، އެކުގައި މަސައްކަތް ކުރުމުން، ރާއްޖެއިން ކޮވިޑް-19 އިން އަރައިގަނެވޭނެ ކަމަށް ރައީސްހެ ހިތޯބުގައި އެމަނިކުފާނު ވިދާޅުވިއެވެ.
