ޒަރޫރީ ހާލަތުގައި ގުޅޭނެ ނަންބަރުތަކެއް ގާއިމްކުރަނީ
15 އެޕްރީލު 2020 | ބުދަ 14:26މިރޭ 19:00 ން 00:00 އަށް ކާބޯތަކެތި ޑެލިވަރީކުރެވޭނެ
ޑެލިވަރީކޮށްދޭ ފަރާތެއް
ޒަރޫރީ އެކިއެކި ކަންކަމުގައި ބޭރަށް ދާންޖެހިއްޖެނަމަ ކަން ކުރާނެ އުސޫލަކާއި އަދި ގުޅަންޖެހޭނެ ނަންބަރުތަކެއް ވަރަށް އަވަަހަށް އާންމު ކުރާނެ ކަމަށް ފުލުހުން ބުނެފިއެވެ.
ބުދަ ދުވަހުގެ ހަވީރު ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އެސިސްޓެންޓް ކޮމިޝަނަރ އޮފް ޕޮލިސް އިސްމާއިލް ނަވީން ވިދާޅުވީ ޒަރޫރީ ޚިދުމަތްތައް ދިނުމަށް ކޮންމެހެން ނިކުންނަންޖެހޭ ފަރާތްތައް އަމަލުކުރާނެ އުސޫލަކާއި އަދި ގުޅަންޖެހޭނެ ނަންބަރުތަކެއް ވަރަށް އަވަހަށް އާއްމު ކުރައްވާނެ ކަމަށެވެ.
ނަވީން ވިދާޅުވީ ކާބޯތަކެތި ޑެލިވަރީކުރުމުގެ ހުއްދަ، ފާސް ކުރިން ދޫކުރި ފަރާތްތަކަށް ކަނޑައެޅިފައިވާ ވަކި ވަގުތަކާއި ހަމައަށް މި ޙިދުމަތް ދިނުމުގެ ފުރުސަތު ލިބޭނެކަމަށެވެ. އެގޮތުން މިރޭ 19:00 ން 00:00 އަށް އެ ޚިދުމަތް ދެވޭނެ ކަމަށެވެ. ނަވީން ވިދާޅުވީ އިތުރަށް ފާސްދޫކުރައްވާނީ މިއަދުގެ ހާލަތަށް ރިއާޔަށް ކުރުމަށްފަހު ކަމަށެވެ. އަލަށް ރަޖިސްޓްރީ ކުރާ ފަރާތްތައް ފުލުހުންގެ ހުއްދަ އަލުން ހޯދަން ޖެހޭނެކަމަށާއި ބުދަ ދުވަހުގެރޭ ރެޖިސްޓްރީވާ މީހުންގެ ތެރެއިން ހުއްދަދޭ ފަރާތަކަށް ބުރާސްފަތި ދުވަހުގެ ހެނދުނު ފާސް ދޫކުރާނެ ކަމަށެވެ.
މާލެ ލޮކްޑައުންކޮށްފައިވާއިރު، ބޭރަށް ނުކުމެ އުޅުމުގެ ހުއްދަ އޮންނަނީ ސިފައިންނާއި ފުލުހުންނާއި، ޞިއްޙީ ޚިދުމަތް ދޭ އިދާރާތަކުގެ މުވައްޒަފުންނާއި އެ މުވައްޒަފުން ދުއްވާ އުޅަނދުފަހަރުތަކާއި، އެމްބިއުލަންސްގެ އިތުރުން، ނެޝަނަލް އެމެޖެންސީ އޮޕަރޭޝަން ސެންޓަރ (އެން.އީ.އޯސީ) ގެ ފާސް ލިބިފައިވާ ފަރާތްތަކާއި، އެން.އީ.އޯ.ސީގެ ފާސް ލިބިފައިވާ މީޑިއާތަށެވެ. ނަވީން ވިދާޅުވީ އެންމެ ޒަރޫރީ ޚިދުމަތްތައް ދޭ މީހުންނާއި، ވަޒީފާގެ ބޭނުންތަކަށް ދާ މީހުންނަށް އެ ހުއްދަ ލިބޭނެ ކަމަށާއި އެގޮތުން ކާބޯތަކެތި ޑެލިވަރީކުރާ ފަރާތަކާއި، އެންއޯސީ އާއި، ސިއްޙީ ޚިދުމަތްދޭ ތަންތަނާއި، ޓެލެކޮމިއުނިކޭޝަންގެ ޚިދުމަތާއި، އަދި އޮފީސްތަކަށް ވަކި އަދަދަކަށް ފާސްދޫކުރެވޭނެ ކަމަށެވެ.
