އެހީގެ ގޮތުގައި ކަނޑައަޅާފައިވާ އަދަދަކީ އެކަށީގެންވާ އަދަދެއް ނޫން: އާޓާ
މި ވަގުތަށް ވިޔަފާރި ސަސްޓެއިން ކުރެވުނަސް، އިތުރު އެހީ ބޭނުންވޭ: އާޓާ
ވީއައިއޭއަށް ފްލައިޓުން ފަތުރުވެރިންތަކެއް ފައިބާ މަންޒަރު
ޥިޔަފާރިތަކަށް ދޭން ނިންމާފައިވާ އެހީގެ އަދަދަކީ އެކަށީގެންވާ އަދަދެއް ނޫންކަމަށް އެސޯސިއޭޝަން ފޮރ ޓްރެވަލް އެޖެންސީސް އިން ބުނެފިއެވެ.
ރާއްޖެ ޓީވީގެ ރާސްތާ ޕްރޮގުރާމް ޕެނަލް ޑިސްކަޝަންގައި ބައިވެރިވެލެއްވި އެ ޖަމްޢިއްޔާގެ މެންބަރުން ވިދާޅުވީ، ސަރުކާރުން އެޅި ފިޔަވަޅުތަކަކީ ވަގުތާ ޙާލަތާ ބައްދަލު ފިޔަވަޅުތަކެއް ކަމެއް ޤަބޫލުކުރާ ކަމަށެވެ. ނަމަވެސް، ވިޔަފާރިތައް މި ޙާލަތަށް ފަހު އަރައިގަންނަން އިތުރު އެހީ ބޭނުންވާ ކަމަށެވެ.
އެގޮތުން މި އެޅި ފިޔަވަޅުތަކުން މި ވަގުތު މުވައްޒަފުންގެ މުސާރަ އާއި އިނާޔަތްތައް ދެވުނު ނަމަވެސް، މި ޙާލަތަށް ފަހު އަރައިގަންނަން އިތުރު އެހީ ބޭނުންވާނެ ކަމަށެވެ. އަދި އިޤުތިޞާދަށް އައިސްފައިވާ ހީނަރު ކަމުން އަރައިގަތުމުގައި މި އެހީ މުހިއްމު ރޯލެއް އަދާކުރާނެ ކަމަށް ވެސް އެ ޖަމްޢިއްޔާގެ މެންބަރުން ހާމަކުރިއެވެ.
ފަތުރުވެރިކަމުގެ ދާއިރާއަށް އައިސްފައިވާ ހީނަރުކަމަށް އަލި އަޅުވާލަމުން އެ ޖަމްޢިއްޔާއިން ބުނެފައިވަނީ މިއީ ރާއްޖެ ދުވަހަކު ވެސް ނުދެކޭ ޙާލަތެއް ކަމަށާއި، ނަމަވެސް ސަރުކާރާއި މަސްއޫލުވެރިން އެކުގައި މަސައްކަތް ކޮށްގެން އަރައި ނުގަނެވޭނެ ޙާލަތެއް ނޫން ކަމަށެވެ.
ކޮވިޑް-19 އާ ގުޅިގެން އިޤުތިޞާދަށް ވަނީ ބޮޑު ހީނަރުކަމެއް އައިސްފައެވެ. އެގޮތުން ރާއްޖެއަށް އޮން-އެރައިވަލް ވިސާ ދިނުން ހުއްޓާލުމާއެކު، މުޅިން ކަހަލަ ގޮތަކަށް ރާއްޖޭގެ ފަތުރުވެރިކަމުގެ ސިނާޢަތް ވަނީ ހުއްޓުމަކަށް އައިސްފައެވެ.
