ވައިގޮޅިއެއްގެތެރޭގައި މީހަކު މަރުވެފަ އޮއްވާ ފެނިއްޖެ
ވެއްޓިފައިވަނީ 37 އަހަރުގެ މީހެއް
ފިރިހެންމީހާ ވެއްޓިފައި އޮއްވާ ފެނުނު ގެ ހުރި ސަރަހައްދު
މާފަންނު ގެއެއްގެ ވައިގޮޅިތެރޭގައި ދިވެހި ފިރިހެނަކު މަރުވެފަ އޮއްވާ ފެނިއްޖެއެވެ.
ފުލުހުން ބުނީ މާފަންނުގައި ހުރި ގެއަކުން ހޯމަ ދުވަހު ހެނދުނުން ފެށިގެން 37 އަހަރުގެ ދިވެހި ފިރިހެނަކު ނުފެނިގެން ހޯމަ ދުވަހުގެ ރޭ 22:17 ހާއިރު ފުލުހުންނަށް ހުށަހަޅާފައިވާ ކަމަށެވެ. މިހާދިސާއާއި ގުޅިގެން އެމީހާ ހޯދުމަށް ފުލުހުން ކުރި މަސައްކަތުން އޭނާ ފެނިފައިވަނީ އެގޭގެ ވައިގޮޅިތެރެއަށް ވެއްޓިފައި އޮއްވާ ހޯމަ ދުވަހުގެ ރޭ 22:36 އެހާއިރު ކަމަށް ފުލުހުން ބުނެއެވެ.
ފުލުހުން ބުނީ އެމީހާ އައިޖީއެމް ހޮސްޕިޓަލަށް ގެންގޮސް ބެލި ބެލުމުން އޭނާ މަރުވެފައިވާކަމަށް އޭނާ ބެލި ޑޮކްޓަރު ބުނެފައިވާކަމަށެވެ.
މިހާދިސާއާ ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށް ފުލުހުން މައުލޫމާތު ދެއެވެ.
