މޯލްޑިވްސް އެނަރޖީ އޮތޯރިޓީގެ ޚިދުމަތްތައް އޮންލައިންކޮށްފި
6 އެޕްރީލު 2020 | ހޯމަ 14:57އޮންލައިންކޮށް ޚިދުމަތްތައް ހޯދުމަށް އިލްތިމާސްކުރެއްވި
އެންވަޔަރުމެންޓް މިނިސްޓަރު
މޯލްޑިވްސް އެނަރޖީ އޮތޯރިޓީގެ ޚިދުމަތްތައް އޮންލައިންކޮށްފިއެވެ.
މޯލްޑިވްސް އެނަރޖީ އޮތޯރިޓީން ބުނީ 07 އޭޕްރީލް ވާ އަންގާރަ ދުވަހުން ފެށިގެން މޯލްޑިވްސް އެނަރޖީ އޮތޯރިޓީން ދޭ ބައެއް ޚިދުމަތްތަކަށް އޮންލައިންކޮށް އެދުމުގެ އިންތިޒާމް ހަމަޖައްސާފައިވާ ކަމަށެވެ.
އެގޮތުން ޑިއުޓީ މައާފުކޮށްދިނުމަށް ބޭނުންވާ އިއާދަކުރަނިވި ހަކަތައިން ކަރަންޓު އުފައްދާ ތަކެތި ފާސްކުރުން، ކަރަންޓު ޕެނަލް ކުރެހުމާއި ލޯޑް ކަލްކިއުލޭޝަން ފާސްކުރުން، ކަރަންޓް ކޭބަލް ފާސްކުރުން، ނެޓް މީޓަރިންގ އެސް. އެމް. ޑީ ފާސްކުރުން އަދި ކަރަންޓުގެ މަސައްކަތްތައް ކުރުމުގެ ލައިސަންސް ދޫކުރުން ހިމެނެއެވެ.
އެއޮތޯރިޓީން ބުނީ މި ޚިދުމަތްތަކަށް އެދި ހުށަހަޅާނީonline@energy.gov.mvއަށްކަމަށެވެ.
އިތުރު މައުލޫމާތު ސާފުކުރަން ބޭނުންވާނަމަ ކޮންމެ އާދިއްތަ ދުވަހަކުން ފެށިގެން ބުރާސްފަތި ދުވަހެއްގެ 11:00 އާއި 13:00 އާ ދޭތެރޭ 3017112 އަށް ގުޅުމަށް މޯލްޑިވްސް އެނަރޖީ އޮތޯރިޓީން އެދިފައިވެއެވެ.
