ކޮވިޑް-19: 5 ރިސޯޓުން ނެގި ސާމްޕަލްތަކުގެ ނަތީޖާ ނެގެޓިވް
މިހާރު މިރަށްތައް މޮނިޓަރިންގެ ހާލަތުން އާއްމު ހާލަތަށް ވަނީ ގެނެވިފައި
ސާމްޕަލް އެއް
ކޮވިޑް-19އަށް ޝައްކުކުރެވެ އަލާމާތްތައް ހުރެގެން ފަސް ރިސޯޓުން ނެގި ސާމްޕަލްތަކުގެ ނަތީޖާ ނެގެޓިވް ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.
އެޗްޕީއޭ އިން ބުނީ ކޯވިޑް19 އަށް ޝައްކުކުރެވޭ އަލާމާތްތައް ހުރެގެން ދި ސްޓޭންޑަރޑް ހުރުވަޅި މޯލްޑިވްސް ރިސޯޓު، ދި ރެޒިޑެންސް މޯލްޑިވްސް އެޓް ދިގުރަށް، ތާޖް އެގްޒޯޓިކާ ރިސޯޓު، ލަކްސް ނޯތު މާލެ އެޓޯލް ރިސޯޓު އަދި ފިލިތެޔޮ އައިލެންޑް ރިސޯޓުން ނެގި ސާމްޕަލްތަކުގެ ޓެސްޓުގެ ނަތީޖާ ނެގެޓިވް ވެފައިވާކަމަށެވެ.
މިހާރު މިރަށްތައް މޮނިޓަރިންގެ ހާލަތުން އާއްމު ހާލަތަށް ގެނެވިފައިވާކަމަށް އެޗްޕީއޭ އިން ބުންޏެވެ.
ކޮވިޑް-19 އަށް ރާއްޖެއިން މިހާތަނަށް ޕޮޒިޓިވް ވެފައިވަނީ 17 މީހެކެވެ. އޭގެ ތެރެއިން 13 މީހަކު ވަނީ ރަނގަޅުވެފައެވެ. އިޓަލީގެ ދެ މީހަކު ޕޮޒިޓިވް ވިކަން އެނގިނުއިރު، އެ ދެ މީހުން އޭތުތިބީ އިޓަލީއަށް ދިޔުމަށްޓަކައި ފްލައިޓްގަ ކަމަށްވާތީ، އެ ދެމީހުން ރާއްޖެއަކު ނެތެވެ. އެހެންކަމުން މިވަގުތު ކޮވިޑް-19 އަށް ޕޮޒިޓިވްވެ ފަރުވާ ދެމުން ދަނީ ދެ ދިވެހިން އެކަންޏެވެ. އެ ދެ މީހުންނަކީ އިނގިރޭސި ވިލާތުން ރާއްޖެއައުމުން ކަރަންޓީންކުރި ދެ މީހުންނެވެ.
