ގަތަރު އެއަރވޭޒް އިން ފައިސާ ހުސްވުމުގެ ބިރު އެބަ އޮތް: ޗީފް އެގެްޒެކެޓިވް
ގަތަރު އެއަރވޭޒް ހިމެނެނީ މިވަގުތު ޚިދުމަތްދޭ މަދު އެއަރލައިންތަކުގެ ތެރޭގައި
ގަތަރު އެއަރވޭޒްގެ ޗީފް އެގްޒެކެޓިވް އަކްބަރ އަލް ބަކަރ
ގަތަރު އެއަރވޭޒްގެ އުދުހުންތައް ކުރިއަށް ގެންދާނެ ކަމަށާއި ނަމަވެސް ކުންފުނިން ވަރަށް އަވަހަށް ފައިސާ ހުސްވުމުގެ ބިރު އެބަ އޮތް ކަމަށް ގަތަރު އެއަރވޭޒްގެ ޗީފް އެގްޒެކެޓިވް އަކްބަރު އަލް ބަކަރ ވިދާޅުވެއްޖެއެވެ.
ޗީފް އެގްޒެކެޓިވް އަކްބަރު އާދިއްތަ ދުވަހު ރޮއިޓާސް އަށް ދެއްވި ބަސްދީގަތުމެއްގައި ވިދާޅުވީ، އަމިއްލަ ގައުމަށް ނާދެވިފައި އެކި ތަންތާނގައި ތާށިވެފައިތިބި މީހުން އުފުލުމުގެ މަސައްކަތް ގަތަރު އެއަރވޭޒް އިން ކުރިއަށް ގެންދަން ޖެހޭ ހިސާބަކާ ހަމަޔަށް ކުރިއަށް ގެންދާނެ ކަމަށެވެ.
އޭނާވިދާޅުވީ، ވަކި ހިސާބަކުން، ގަތަރު އެއަރވޭޒްގެ ވެރިންގެ އެހީއަށް އެދެން ޖެހޭނެ ކަމަށެވެ.
ގަތަރު އެއަރވޭޒް އަކީ ގަތަރު ސަރުކާރުގެ އެއަރލައިންއެކެވެ.
ކޮރޯނާ ވައިރަސްގެ ނުރައްކަލާ ދުނިޔެ ކުރިމަތިލާން ޖެހުމާއެކު ގިނަ އެއަރލައިންތައް ހުއްޓާލާފައިވާ އިރު ގަތަރު އެއަރވޭޒް ހިމެނިފައވަނީ މިވަގުތު ދުނިޔޭގައި ޚިދުމަތް ދެމުންދާ މަދު އެއަރލައިން ތަކުގެ ތެރޭގައެވެ.
