ބަތަލާ އައިލެންޑް ރިސޯޓުން ނެގި ސާމްޕަލްތައް ނެގެޓިވް، ރިސޯޓުގެ މޮނިޓަރިންގ އުވާލައިފި
ރާއްޖެއިން 13 މީހަކު ކޮވިޑް-19 އަށް ޕޮޒިޓިވްވެފައިވޭ
ސޭންޑީޒް ބަތަލާ އައިލެންޑް ރިސޯޓު
ކޮވިޑް-19 އަށް ޝައްކު ކުރެވޭ އަލާމަތްތައް ހުރެގެން ސޭންޑީޒް ބަތަލާ އައިލެންޑް ރިސޯޓުން ނެގި ސާމްޕަލްތައް ނެގެޓިވްވެފައިވާތީ އެ ރިސޯޓުގެ މޮނިޓަރިންގ ޙާލަތު އުވާލައިފިއެވެ.
ބުރާސްފަތި ދުވަހުގެ ރޭ ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ކުރި ޓްވީޓެއްގައި ބުނީ، ކޮވިޑް-19 އަށް ޝައްކުކުރެވޭ އަލާމާތްތައް ހުރެގެން ސޭންޑީސް ބަތަލާ ރިސޯޓުން ނެގި ސާމްޕަލްތަކުގެ ޓެސްޓުގެ ނަތީޖާ ނެގެޓިވް ވެފައިވާތީ އެ ރިސޯޓުގެ މޮނިޓަރިންގ ޙާލަތު ނެގިފައިވާ ކަމަށެވެ.
ރާއްޖެއިން 13 މީހަކު ކޮވިޑް-19 އަށް ޕޮޒިޓިވްވެފައިވާއިރު، އޭގެ ތެރޭގައި ބަތަލާ އައިލެންޑް ރިސޯޓުން ޕޮޒިޓިވްވި 2 މީހުންވެސް ހިމެނެއެވެ. އޭގެ އިތުރުން، ރާއްޖެއިން ކޮވިޑް-19 އަށް ޕޮޒިޓިވްވި 13 މީހުންގެ ތެރެއިން 8 މީހަކު ވަނީ މިހާތަނަށް ފަރުވާދީ ބަލިން ރަނގަޅުކޮށްފައެވެ.
