ޕާކިސްތާނުގައި ތިބި ދިވެހިންގެ ރައްކާތެރިކަމާއި ގުޅޭ ގޮތުން ދެ ގައުމުގެ ދެމެދުގައި މަޝްވަރާކޮށްފި
24 މާރިޗު 2020 | އަންގާރަ 02:09ދިވެހިންގެ ރައްކާތެރިކަމާއި ގުޅޭގޮތުން ވަނީ މަޝްވަރާކުރައްވާފައި
ފޮރިން މިނިސްޓަރ އަބްދުﷲ ޝާހިދު
ޕާކިސްތާނުގައި ތިބި ދިވެހިންގެ ހާލަތާއި، ރައްކާތެރިކަމާއި ގުޅޭގޮތުން ދިވެހި ސަރުކާރާއި ޕާކިސްތާނާއި ދެމެދު މަޝްވަރާ ކޮށްފިއެވެ.
ހޯމަ ދުވަހު ހާރިޖީ ވަޒީރު އަބްދުﷲ ޝާހިދު ކުރެއްވި ޓްވީޓުގައި ވަނީ ޕާކިސްތާނުގެ ހާރިޖީ ވަޒީރު މަޙްމޫދު ޝާހު މަހްމޫދު ގުރައިޝީ އާއި ފޯނުން ގުޅުއްވައި އެގައުމުގައި ތިބި ދިވެހީންގެ ހާލު ބައްލަވައިލައްވާފައި ވާކަމަށާއި އަދި ދިވެހިންގެ ރައްކާތެރިކަމާއި ގުޅޭގޮތުން މަޝްވަރާކުރައްވާފައިވާ ކަމަށެވެ.
ކޮވިޑް-19 އިން ރައްކާތެރިވުމަށް ކުރަމުންދާ ހަނގުރާމައިގައި ދެ ގައުމުން އެއްބާރުލުން ދެވޭނެ ގޮތްތަކާ ގުޅޭގޮތުން ވެސް ވަނީ މަޝްވަރާ ކުރައްވާފައެވެ.
ޑިސެމްބަރު މަހު ޗައިނާގެ ވޫހާން ސިޓީއިން ފެނުނު ކޮވިޑް-19 މިހާރުވަނީ ދުނިޔޭގެ އެކި ކަންކޮޅުތަކަށް ފެތުރިފައެވެ. އެގޮތުން ޕާކިސްތާނުގައިވެސް ކޮވިޑް-19 އަށް 875 މީހަކުވަނީ ޕޮޒިޓިވްވެފައެވެ.
އަދި މިބަލީގައި އެގައުމުން 6 މީހުން މަރުވެފައިވާއިރު 13 މީހަކު ވަނީ ބަލިން ސަލާމަތްވެފައެވެ.
