ދެވަނަ ދައުރަކަށް ހޮވުމާއެކު، އީސީގެ ނައިބް ރައީސް ކަމަށް އަކްރަމް
23 މާރިޗު 2020 | ހޯމަ 09:58އަކްރަމް ޢައްޔަނުކުރުމަށް ރައްޔިތުންގެ މަޖިލީހުން ފާސްކޮށްފައިވަނީ ވޯޓުގައި ބައިވެރިވެވަޑައިގެންނެވި 72 މެންބަރުންގެ ވޯޓުން
އިލެކްޝަންސް ކޮމިޝަނުގެ ނައިބު ރައީސް
އިލެކްޝަން ކޮމިޝަން (އީސީ) ގެ މެމްބަރު ކަމުގެ ދެވަނަ ދައުރަށް އަހުމަދު އަކްރަމް އައްޔަން ކުރެއްވުމާއެކު، ކޮމިޝަންގެ ނައިބް ރައީސް ކަމުގެ މަގާމަށް އޭނާ އައްޔަން ކުރައްވައިފި އެވެ.
ކުރިވެންވެސް އެ ކޮމިޝަންގެ ނައިބް ރައީސްގެ މަގާމުގައި ހުންނެވި އަކްރަމް ދައުރު ހަމަވެފައިވަނީ އާދިއްތަ ދުވަހު އެވެ. ހޯމަ ދުވަހު އީސީން ކޮށްފައިވާ ޓްވީޓެއްގައި ބުނީ، އެ ކޮމިޝަންގެ 25 ވަނަ ކުއްލި ޖަލްސާގައި ކޮމިޝަންގެ ނައިބް ރައީސް ކަމަށް އަކްރަމް އިންތިހާބު ކޮށްފައިވަނީ ހުރިހާ މެމްބަރުންގެ އިއްތިފާގުންނެވެ
އީސީގެ މެމްބަރު ކަމުގެ މަގާމަށް އަކްރަމް އައްޔަން ކުރަން ފެންނަ ކަމަށް ރައްޔިތުންގެ މަޖިލީހުން ފާސްކޮށްފައިވަނީ މާޗް މަހުގެ 18 ވަނަ ދުވަހު ބޭއްވި ޖަލްސާގައެވެ. އަކްރަމަކީ، 2018 ވަނަ އަހަރުގެ ރިޔާސީ އިންތިޚާބާއި، 19 ވަނަ ރައްޔިތުންގެ މަޖިލީހުގެ އިންތިޚާބު، އަމާންކަމާއި އޮމާންކަމާއެކު ބޭއްވުމުގައި އިލެކްޝަންސް ކޮމިޝަނުގައި އިސް ދައުރެއް އަދާކުރެއްވި އެކޮމިޝަނުގެ މެންބަރުގެ އިތުރުން ތަރުޖަމާނު ވެސް މެއެވެ.
އިލެކްޝަންސް ކޮމިޝަން(އީސީ) ގެ މެންބަރުކަމަށް އަޙްމަދު އަކްރަމް ޢައްޔަނުކުރުމަށް ރައްޔިތުންގެ މަޖިލީހުން ފާސްކޮށްފައިވަނީ ވޯޓުގައި ބައިވެރިވެވަޑައިގެންނެވި 72 މެންބަރުންގެ ވޯޓުންނެވެ.
އަކްރަމް ދެވަނަ ދައުރަކަށް ޢައްޔަނުކުރުމަށް އެމްޑީޕީން ވަނީ ޓޫލައިން ވިޕެއް ނެރެފަ އެވެ. އީސީއަށް މެންބަރަކު ޢައްޔަނުކުރުމަށް ރައީސް ފޮނުއްވެވި މައްސަލަ ދިރާސާކުރި މިނިވަން މުއައްސަސާތަކުގެ ކޮމިޓީ ރިޕޯޓުގެވެސް އެންމެ ކުރި ހޯދީ އަކްރަމެވެ.
