ކަށުނަމާދު ކުރެވޭނީ އާސަހަރާގައާއި ހުޅުމާލޭ ސަހަރާ މިސްކިތުގައި
22 މާރިޗު 2020 | އާދީއްތަ 16:11ކަށުނަމާދު ކުރަމުންދާނީ " މަސްޖިދުއް ތަޢާވުނި " އާއިހުޅުމާލެ "މަސްޖިދު ޒައިދު ބިން ޘާބިތް" ގައި
ސަހަރާ
މި މަހުގެ 18 ވަނަ ދުވަހުން ފެށިގެން 28 ވަނަ ދުވަހުގެ ނިޔަލަށް މާލޭސިޓީގެ މިސްކިތްތަކުގެ ތެރެއިން ކަށުނަމާދު ކުރަމުންދާނީ " މަސްޖިދުއް ތަޢާވުން " އާއި ހުޅުމާލެ "މަސްޖިދު ޒައިދު ބިން ޘާބިތް" ގައި ކަމަށް މާލެ ސިޓީ ކައުންސިލުން ބުނެފިއެވެ.
މާލެ ސިޓީ ކައުންސިލުން ބުނީ ދުނިޔޭގައި ކޮވިޑް- 19 ފެތުރެމުންދާތީ، އެކަމަށް ރައްކާތެރިވުމުގެގޮތުން 18 މާރިޗް 2020 ން ފެށިގެން 28 މާރޗް 2020 އަށް މާލޭސިޓީގެ މިސްކިތްތަކުގެ ތެރެއިން ކަށުނަމާދު ކުރަމުންދާނީ " މަސްޖިދުއް ތަޢާވުން " އާއިހުޅުމާލެ "މަސްޖިދު ޒައިދު ބިން ޘާބިތް" ގައި ކަމަށެވެ.
އަދި މި ދެ މިސްކިތުގައި ކަށުނަމާދު ކުރެވޭނީ އެންމެ އަވަހަށް ވެސް ކޮންމެ ފަރުޟު ނަމާދަކަށް ބަންގި ގޮވާ ވަގުތުން ފެށިގެން ބައިގަޑިއިރު ފަހުންކަމަށެވެ. މާލެސިޓީ ކައުންސިލުން ވަނީ މައްޔިތަކު ސަހަރާއަށް ގެނައުމަށް ފަހު ވީ އެންމެއަވަސް ވަގުތެއްގެ ތެރޭގައި އެމައްޔިތާގެ ކަށުކަމާކެމީގެ ކަންތައްތައް ނިންމުމަށް ފަހު މައްޔިތާ ވަޅުލުމަށް، ޖަމާޢަތްތެރިންނާއި މައްޔިތާގެ ޢާއިލާގެ ފަރާތުން ވަރަށް އިސްކަންދިނުމަށް އިލްތިމާސްކޮށްފައެވެ.
ކޮވިޑް-19 ރާއްޖެއިން ފެނިފައިވާތީ، މިހާރުގެ ޙާލަތައް ރިޢާޔަތްކޮށް، އިތުރަށް މިވައިރަސް ރާއްޖޭގައި ފެތުރުން ހުއްޓުވުމަށްޓަކައި އަޅާ ރައްކާތެރިކަމުގެ މުހިންމު ފިޔަވަޅެއްގެ ގޮތުން، ބުދަ ދުވަހުގެ މެންދުރު ނަމާދުން ފެށިގެން 28 މާރޗް 2020 ވާ ހޮނިހިރު ދުވަހުގެ އަޞްރު ނަމާދުގެ ނިޔަލަށް މާލެ، ހުޅުމާލެ، ވިލިމާލެ، އަދި ހުރިހާ ރިސޯޓްތަކެއްގައި ފަރުޟު ނަމާދުތަކާއި، ހުކުރު ނަމާދުގެ ޖަމާޢަތް މިސްކިތުގައި ނުކުރުމަށް ވެސް ވަނީ ނިންމާފައެވެ.
