ވިލިމާލޭގައި ދިރިއުޅޭ ފަރާތްތަކަށް އެމްޓީސީސީގެ ''ދަތުރު ކާޑު'' ހިލޭ
އެމްޓީސީސީން ދަނީ ކުންފުނީގެ ކަސްޓަމަރުންނަށް އެހީވެދެމުން
ވިލިމާލެ ފެރީ ޓާމިނަލް
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ވިލިމާލޭގައި ދިރިއުޅޭ ފަރާތްތަކަށް ''ދަތުރުކާޑް'' ހިލޭ ދިނުމަށް ނިންމައިފިއެވެ.
ހޮނިހިރު ދުވަހު އެމްޓީސީސީން ކޮށްފައިވާ ޓްވީޓެއްގައ ބުނީ، އެ ފިޔަވަޅަކީ މުވައްޒަފުންނާއި ފަސިންޖަަރުންގެ ރައްކާތެރިކަން ކަށަވަރުކުރުމަށްޓަކައި ހޮނިހިރު ދުވަހުން ފެށިގެން ވިލިމާލޭގެ ރައްޔިތުންނަށް ދަތުރުކާޑު ހިލޭ ދިނުމަށް ނިންމާފައިވާ ކަމަށެވެ. އެގޮތުން ފައިސާ ގެންގުޅޭ މިންވަރާއި ސިންގަލް ޓޯކަން މަދުކުރުމަށްޓަކައި ހޮނިހިރު ދުވަހުން ފެށިގެން ވިލިމާލޭގެ ރައްޔިތުންނަށް ދަތުރުކާޑު ހިލޭ ދިނުމަށް ނިންމާފައިވާ ކަމަށެވެ.
ކޮވިޑް-19 އާ ގުޅިގެން އެމްޓިސީސީން ދަނީ އެ ކުންފުނީގެ ކަސްޓަމަރުންނަށް ލުއިތަކެއް ދެމުންނެވެ. އެގޮތުން، ކޮވިޑް-19 ގެ ސަބަބުން ވިޔަފާރިތައް ހީނަރުކަމުން އަރައިގަތުމަށް އެހީތެރިވުމުގެ ގޮތުން، އެމްޓީސީސީން ވިއްކާ ޔަންމާ އަދި ސުޒުކީ އިންޖީން އިންސްޓޯލްމެންޓަށް ނަގާފައިވާ ކަސްޓަމަރުންނަށް ލުއި ފަސޭހަ ގޮތަކަށް ފައިސާ ދެއްކޭނެ ޕްލޭނެއް ވަނީ އެކުލަވައިލާފައެވެ.
ބުރާސްފަތި ދުވަހު އެމްޓީސީސީން ނެރެފައިވާ ބަޔާނެއްގައި ބުނީ، އެ ކުންފުނިން ވިއްކާ ޔަންމާ އަދި ސުޒުކީ އިންޖީނު ދިގު މުއްދަތަށް ފައިސާ ދައްކާ ހަލާސްކުރާ އުސޫލުން ނަގާފައިވާ ކަސްޓަމަރުން ދައްކަން ހުރި ފައިސާ މާރޗް މަހުގެ 19 ވަނަ ދުވަހުން ފެށިގެން 03 މަސްދުވަހުގެ މުއްދަތަށް ފަސްކޮށްދެވިފައިވާ ކަމަށެވެ.
އަދި އެ މުއްދަތައް ކަނޑައެޅިފައިވާ ފައިނޭންސް ކޯސްޓްވެސް މާފްކޮށް ދޭން ހަމަޖެހިފައިވާ ކަމަށްވެސް އެމްޓީސީސީން ބުންޏެވެ. އެ ކުންފުނިން ބުނީ، ބަދަލާއިއެކު އިސްލާހުކުރެވިފައިވާ ޕޭމަންޓް ޝެޑިއުލް ކޮންމެ ކަސްޓަމަރަކަށްވެސް ހިއްސާ ކުރެވޭނެ ކަމަށެވެ.
