ވާރކް ވިސާއާއި، ޓްރެވެލް ޑޮކިއުމެންޓް ނެތް ބިދޭސީން ސަރުކާރުގެ ޚަރަދުގައި އެބައެއްގެ ޤައުމަށް ފޮނުވާލަނީ
އެމީހުން އަނބުރާ ޤައުމަަށް ދާން ބޭނުންވާ ލިޔެކިޔުންވެސް އެޤައުމެއްގެ ހައިކޮމިޝަން ނުވަތަ އެމްބަސީން ހޯދައިދޭނެ
ސަރުކާރުން ކުރިއަށް ގެންދިޔަ ރެގިއުލަރައިޒޭޝަން ޕްރޮގްރާމްގެ ތެރެއިން
ވާރކް ވިސާއާއި، ޓްރެވެލް ޑޮކިއުމެންޓް ނެތް ބިދޭސީން ސަރުކާރުގެ ޚަރަދުގައި އެބައެއްގެ ޤައުމަށް ފޮނުވާލަން ނިންމައިފިއެވެ.
މިނިސްޓްރީ އޮފް އިކޮނޮމިކް ޑިވަލޮޕްމެންޓުން ބުނެފައިވަނީ ރާއްޖޭގައި މިވަގުތު ވަރކްވިސާ އާއި، ޓްރެވަލް ޑޮކިއުމެންޓެއް ނެތި ހަރަކާތްތެރިވާ ބިދޭސީން އަނބުރާ އެމީހުންގެ ޤައުމަށް ދިވެހި ސަރުކާރުގެ ޚަރަދުގައި ފޮނުވާގޮތަށް ނިންމާފައިވާ ކަމަށެވެ. އަދި އެމީހުން އަނބުރާ ޤައުމަަށް ދާން ބޭނުންވާ ލިޔެކިޔުންވެސް އެޤައުމެއްގެ ހައިކޮމިޝަން ނުވަތަ އެމްބަސީން ހޯދައިދޭނެ ކަމަށް މިނިސްޓްރީން ބުނެއެވެ.
ދިވެހި ސަރުކާރުން ފަހިކޮށްދޭ މި ފުރުޞަތުގެ ތެރެއިން އަމިއްލަ ޤައުމަށް އެނބުރި ދާން ބޭނުންވާ ފަރާތްތަކުން އިކޮނޮމިކް މިނިސްޓްރީއަށް ހާޟިރުވުމުގެ ބަދަލުގައި، ޕާސްޕޯޓް ނަންބަރ/ އައިޑީ ނަންބަރު އެ މިނިސްޓްރީގެ ނަންބަރ 7205648 އަށް ފޮނުވާލަދެއްވުމަށް މިނިސްޓްރީން ވަނީ އެދިފައެވެ. އަދި އެ މެސެޖް ފޮނުވާ ހިސާބުން އެކަމާއި ގުޅޭ މުއާމަލާތްތައް ހިނގަން ފަށާނެ ކަމަށް ވެސް މިނިސްޓްރީން ބުނެއެވެ.
ރާއްޖޭގައި ވާރކް ވިސާ ނެތި ނުވަތަ ރަޖިސްޓްރީ ނުކޮށް މަސައްކަތް ކުރާ އާބާދީގައި ނިޞްބަތުން ގިނަައީ ބަންގްލަދޭޝްގެ ރައްޔިތުންނެވެ.
