އެސްޓީއޯއިން ވިއްކާ ތެލުގެ އަގު އަނެއްކާ ވެސް ހެޔޮކޮށްފި
ޕެޓްރޯލް ލިޓަރަކުން ވަނީ 1 ރުފިޔާ 53 ލާރި އަގުހެޔޮކޮށްފަ
އެސްޓީއޯގެ ސަބްސިޑަރީ ކުންފުނި ފިއުލް ސަޕްލައި މޯލްޑިވްސްގެ މައި ޝެޑް
އެސްޓީއޯއިން ވިއްކާ ޕެޓްރޯލް އަދި ޑީސަލުގެ އަގު މި މަހު ދެވަނަ ފަހަރަށް ހެޔޮކޮށްފިއެވެ.
އެސްޓީއޯއިން ވަނީ މިދިޔަ ހަފްތާގައި ވެސް ޕެޓްރޯލާއި ޑީސަލްގެ އަގު ހެޔޮކޮށްފައެވެ.
އެސްޓީއޯއިން އެކުންފުނިން ވިއްކާ ތެލުގެ އަގަށް ގެނައި ބަދަލާއެކު ހޮނިހިރު ދުވަހުން ފެށިގެން ޕެޓްރޯލް ލިޓަރެއް ވިއްކާނީ 8 ރުފިޔާ 7 ލާރިއަށެވެ. އަދި ޑީސަލް ލިޓަރެއް ވިއްކާނީ 8 ރުފިޔާ 71 ލާރިއަށެވެ.
ގެނައި ބަދަލަށް ބަލާއިރު ޕެޓްރޯލް ލިޓަރަކުން ވަނީ 1 ރުފިޔާ 53 ލާރި ހެޔޮކޮށްފައެވެ. އަދި ޑީސަލް ލިޓަރުން 1 ރުފިޔާ 68 ލިޓަރު ވަނީ ހެޔޮވެފައެވެ.
މީގެ ހަފްތާއެއް ކުރިން އެސްޓީއޯއިން ވަނީ ޑީސަލް ލީޓަރަކުން 50 ލާރި އަދި ޕެޓްރޯލްގެ އަގުން ލީޓަރަކުން 53 ލާރި ހެޔޮކޮށްފައެވެ.
މިއީ މިދިޔަ އަހަރުގެ މެއި މަހުން ފެށިގެން އެސްޓީއޯ އިން ވިއްކާ ޑީސަލާއި ޕެޓްރޯލްގެ އަގު އެކުންފުނިން ވިދިވިދިގެން ހެޔޮކުރި ފަސް ވަނަ ފަހަރެވެ.
