ކަރަންޓީން އަދި އައިސޮލޭޝަންގައި ތިބި ފަރާތްތަކަށް އާއިލާ ތަކުން ތަކެތި ފޮނުވުމުގެ އިންތިޒާމް ހަމަޖައްސައިފި
އެކަމަށް ކަނޑައަޅާފައިވާ ހޮޓް ލައިން ނަމްބަރަކީ 7290223
ވިލިވަރު
ބޭރުގައުމުތަކުން ރާއްޖެ އައި މީހުންގެ ތެރެއިން ކަރަންޓީން އަދި އައިސޮލޭޝަންގައި ތިބި ފަރާތްތަކަށް އެފަރާތްތަކުގެ އާއިލާ ތަކުން ތަކެތި ފޮނުވުމުގެ އިންތިޒާމު ހަމަޖެހިފައިވާ ކަމަށް ކޮވިޑް-19 އާ ގުޅިގެން އުފައްދާފައިވާ ޓާސްކްފޯސްގެ ތަރުޖަމާނު މަބްރޫކް އަޒީޒު ވިދާޅުވެއްޖެ އެވެ.
ކޮވިޑް-19 އާ ގުޅޭ އެންމެ ފަހުގެ މައުލޫމާތު ހިއްސާކުރުމަށް ބުރާސްފަތި ދުވަހުގެ ރޭ ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ ކަރަންޓީން އަދި އައިސޮލޭޝަންގައި ތިބި ފަރާތްތަކަށް އެފަރާތްތަކުގެ އާއިލާ ތަކުން ފޮނުވާ ޕާރްސަލް ފަދަ ތަކެތި ބަލައިގަތުމަށް ހަަމަޖެހިފައިވަނީ ކޮންމެ ދުވަހެއްގެ ހެނދުނު 9:00 އިން 11:00 އަށް ކަމަށެވެ.
އެކަމަށް ކަނޑައަޅާފައިވާ ހޮޓް ލައިން ނަމްބަރަކީ 7290223 އެވެ. މި ނަމްބަރު އެކްޓިވް ވާނީ ހުކުރު ދުވަސް ފިޔަވާ ކޮންމެ ދުވަހެއްގެ ހެނދުނު 9:00 އިން ރެގަނޑު 23:00 އަށް ކަމަށެވެ.
އަދި ހުކުރު ދުވަހު މި ނަމްބަރު އެކްޓިވް ވަނީ މެންދުރު ފަހު 14:30 އިން ރޭގަނޑު 23:00 އަށް ކަމަށް މަބްރޫކް ވިދާޅުވިއެވެ.
އައިސޮލޭޝަން އަދި ކަރަންޓީނުގައި ތިބި ފަރާތްތައް:
ވިލިވަރުގައި 25 މީހުން
އެޗްއައިއެޗް ގައި 75 މީހުން
ފަރުކޮޅުފުށީގައި މީހަކު ނެތް
ޑީއެޗް 11 ގައި އެޑްމިޓްކޮށްފައި 2 މީހުން
ވެލިދޫ އައިސޮލޭޝަންގައި 16 މީހުން
ފަން އައިލެންޑްގައި ކަރަންޓީނުކޮށްފައި 51 މީހުން
