އެޗްޕީއޭގެ އެންގުންތަކާއި ޚިލާފްވާ ފަރާތްތައް ޖޫރިމަނާކުރަނީ
18 މާރިޗު 2020 | ބުދަ 12:445000 ރުފިޔާއަށް ވުރެން ބޮޑު ނޫން އަދަދަކުން ޖޫރިމަނާ ކުރުމަށް ވަނީ ނިންމާފައި
ކޮވިޑް-19 އާ ގުޅިގެން އުފައްދާފައިވާ ޓާސްކްފޯސްއިން ބޭއްވި ނޫސްވެރިންގެ ބައްްދަލުވުން
ކޮވިޑް-19 އާ ގުޅިގެން އެޗްޕީއޭއިން އަންގާ އެންގުންތަކައި ޚިލާފްވާ ފަރާތްތަކާއި މެދު ފިޔަވަޅު އެޅުމަށް ނިންމައިފިއެވެ.
ބުދަ ދުވަހު އެޗްޕީއޭއިން ނެރެފައިވާ ބަޔާނެއްގައި ވަނީ ކޮވިޑް -19 އިތުރަށް ފެތުރުން ހުއްޓުވައި، އާންމު ސިއްޚަތު ރައްކައުތެރިކުރުމަށްޓަކައި އަޅާ ފިޔަވަޅެއްގެގޮތުން އަންގާ އެންގުންތަކާއި ޚިލާފްވާ ކޮންމެ ޚިލާފްވުމަކީ އާންމު ސިއްޙަތަށް ނުރައްކައުވާ ހާލަތަކަށް މުޖްތަމައުގެ އެހެން ފަރާތްތައް ހުށަހެޅިގެންދާނެ ކަމެއް ކަމުގައިވާތީ، އެއިން އެންގުމަކާއި ޚިލާފްވާ ކޮންމެ ފަރާތަކާއި މެދު އާންމު ސިއްޚަތު ރައްކައުތެރިކުރުމުގެ ޤާނޫނާއި އެއްގޮތްވާ ގޮތުގެ މަތިން ފިޔަވަޅު އެޅުމަށް ނިންމާފައިވާ ކަމަށެވެ.
އެޗްޕީއޭ އިން އަންގާ އެންގުންތަކަކީ ދިވެހިރާއްޖެއިން ކޮވިޑް-19 ފެތުރުން ކޮންޓްރޯލްކޮށް، އާންމު ރައްޔިތުންގެ ސިއްޙަތާއި ރައްކައުތެރިކަން ކަށަވަރު ކުރުމަށްޓަކައި، ކޮވިޑް-19 ޖެހިފައިވާ މީހަކު ނުވަތަ އެބަލި ޖެހިދާފަދަ ހާލަތަކަށް ހުށަހެޅިފައިވާ މީހަކު، ޤާނޫނު ނަމްބަރު 2012/7 ( އާންމު ސިއްޚަތު ރައްކައުތެރި ކުރުމުގެ ޤާނޫނު) ގެ 12 ވަނަ މާއްދާގެ (ނ) ގެ 4 ވަނަ ނަމްބަރުގެ ދަށުން ކަރަންޓީން ކުރުމަށް ނުވަތަ އެފަދަ މީހަކު ނުވަތަ އެފަދަ ބައްޔެއް ފަތުރާ ވަސީލަތަކަށް ހުށަހެޅިފައިވާ މީހަކު، އެބަލި އިތުރަށް ފެތުރުން ހުއްޓުވައި، އަންގާ އެންގުމެއް ކަމަށް އެޗްޕީއޭއިން ބުނެއެވެ.
