އެމްއޭސީއެލްގެ މުވައްޒަފުންނަށްވެސް ލުއިތަކެއް!
މާބަނޑު އަންހެނުންނާއި ދާއިމީ ބައްޔަށް ބޭސް ކުރާ ފަރާތްތަކަށްވެސް ޕޭލީވް ދޭ ގޮތަށް ވަނީ ހަމަޖައްސާފައި
ވެލާނާ އިންޓަނޭޝަނަލް އެއަރޕޯޓް
ކޯވިޑް-19 އިން ރައްކައުތެރިވުމުގެ ގޮތުން އަޅާ ފިޔަވަޅެއްގެ ގޮތުން މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީލްގެ) މުވައްޒަފުންގެ ތެރެއިން އުމުރުން ދުވަސްވީ މީހުނަށް، މުސާރަ އާއި އިނާޔަތްތައް ލިބޭގޮތަށް ޗުއްޓީއެއް ދިނުމަށް ނިންމައިފިއެވެ.
އެމްއޭސީއެލް އިން ބުނީ އެކުންފުނީގެ މުވައްޒިފުންގެ ތެރެއިން އުމުރުން 55 އަހަރުން މަތީގެ މުވައްޒަފުންނާއި، ރޯގާގެ އަލާމާތްތައް ފެނިފައިވާ މުވައްޒަފުންނަށް މުސާރަ އާއި އިނާޔަތްތައް ލިބޭގޮތަށް ޗުއްޓީއެއް ދިނުމަށް ނިންމާފައިވާކަމަށެވެ.
މީގެއިތުރުން އެކުންފުނީގައި މަސައްކަތް ކުރަމުންދާ މަބަނޑު އަންހެނުންނާއި ދާއިމީ ބައްޔަށް ބޭސްކުރަމުންދާ ފަރާތްތަކަށްވެސް ޗުއްޓީއެއް ދިނުމަށް ނިންމާފައިވާ ކަމަށެވެ.
ވެލާނާ އިންޓަނޭޝަނަލް އެއަރޕޯޓަކީ ދަތުރުކުރާ ހުރިހާ ފަރާތްތަކަށްވެސް ރައްކާތެރިތަނަކަށް ހެދުމަކީ އެކުންފުނިން އެންމެ އިސްކަމެއްދޭކަންކަމަށް އެމްއޭސީއެލްއިން ވަނީ ބުނެފައެވެ.
